|
|
|
|
|
|
|
|
|
|
|
经过改良嘅小众香水 |
|
|
无慧香水嘅植物香薰 |
|
|
恰到好处嘅色彩运用，攞出街都真係好sharp醒下！ |
|
|
橱窗展出嘅皮袋 |
|
|
|
|
|
|
|
|
敬梓里一共有两层，一楼主要係独立设计品牌嘅工作室 |
|
|
迷宫艺术馆 |
|
|
大家唔好睇敬梓里店仔细细，行入去逐间睇，你会搵到无穷嘅乐趣。 |
如果平时放假想约人出去玩，斋係谂去边度行街、影相、打卡，就已经谂到头都大埋！如果有个地方有得行街shopping、叹啡吹水、影相打卡，一次过满足你三个愿望，会唔会帮到你呢？讲紧嘅就係位于西门口嘅敬梓里文创社区啦！ 彭琳/文 彭琳 实习生 许家铃/ 图 其貌不扬嘅旧厂房 跟住地图行，见到呢条短切切兼且四围仲要装修紧嘅巷仔，大家唔好犹豫，继续向前，好快就会见到敬梓里噶啦！一开始敬梓里呢个地方，其实係一间厂房，中途亦试过被改建成住宅区，近年敬梓里经过活化再改造之后，摇身一变就成为今时今日文青实啱嘅文创社区啦！敬梓里呢度基本冇点改动原来旧厂房嘅整体结构，入面又保留咗民居嘅间隔，虽然经过活化，变成好多小商店，内笼嘅居住痕迹真係无处不在！一行入去，当堂有迷宫果种错综复杂嘅感觉。 好啱寻宝嘅“迷宫”！ 敬梓里将自己定位成“探寻迷宫式的旧厂房”，係几贴切嘅，好适合大家嚟寻宝。敬梓里一共有两层，一楼主要係独立设计品牌嘅工作室，虽然係店仔细细，行入去逐间睇，你会搵到无穷嘅乐趣：二楼就设有一个名为“迷宫艺术馆”嘅展览场地。会不定时举办一啲特色展览、主题市集，中意睇展、逛街嘅朋友仔，记得留意啦！ 原创设计随你拣 市集唔係成日有，但一楼嘅工作室係比较固定嘅，平时嚟逛下一楼，就够你逛大半日了。工作室里面有好多原创设计的小物，睇到你唔舍得走。 无慧香水 喺呢度，你可以试到唔同风格嘅植物香薰，以及佢哋手工调制出嚟嘅香水。如果呢啲搵唔到啱你心水嘅，你仲可以试下佢哋改良过嘅小众香水，创意喺香味之间碰撞，话唔埋会带畀你意外嘅惊喜。 不安分书店 话就话係书店，实情入到去，空间细、过道窄，但係书籍、插画、甚至独立音乐，你都可以搵到，全部摆到整整齐齐！虽然呢度地方浅窄，但佢哋依然会举办唔同类型嘅展览，地方细细，创意无限噶！ XPECIAL D COFFEE 逛咗一圈之后，见攰想唞下？门口呢间XPECIAL D COFFEE就啱晒你啦！坐低同朋友吹下水、再叹翻杯咖啡，真係好写意噶。不过，同敬梓里嘅工作室一样细细间，座位唔多。 何非OPHIRHE 一行入店内，你就会见到好多色彩缤纷嘅皮袋。呢间咁COLORFUL嘅原创手作店，係由几位广美毕业生共同创立嘅，因为对颜色零舍敏感，所以佢哋就将呢种对色彩嘅追求，摆咗喺佢哋设计嘅皮具当中。呢啲融合抢眼色彩搭配嘅手袋，每一件都係设计师眼中嘅艺术品。
