|
|
店内仲有唔少张国荣嘅海报，增添怀旧气息 |
|
|
室外区域影相打卡或者斋Hea都一流 |
|
|
青柠巴斯克芝士蛋糕酸甜又清新 |
|
|
顾客存放私伙咖啡豆嘅自留地 |
|
|
行到门口就已经被哥哥嘅海报吸引住 |
|
|
王家卫嘅海报同店内色彩缤纷嘅陈设相得益彰 |
|
|
投影区保留咗上手琴行嘅阶梯教室，大班人一齐睇戏都冇问题 |
|
|
二楼够晒阔落 |
|
|
|
|
|
琳琅满目嘅清酒 |
|
|
店内特色的海葡萄沙拉原料 |
|
|
Simon哥连附送纸巾都精选过 |
|
|
聘请日本大师绘制的浮世绘 |
|
|
出自另一位股东之手嘅70、80年代港星相片 |
|
|
802店内照片墙 |
|
|
803设有独立房间可以同朋友一齐嚟聚会 |
|
|
|
闲时想搵个就脚又舒服嘅环境“隐身”Hea下？小记喺烈士陵园附近，呢个好似“桃花源”嘅地方就啱晒你啦。3间小店，集合18位有心人，店铺间各自独立却又守望相助。一得闲，附近嘅街坊都会一家大细落嚟寻味，吃日料、叹啡、睇戏。每间店内都保留咗好多街坊留低嘅印记，充满人间烟火味道。 彭琳 实习生 许家铃/文、图 “深夜食堂”居酒屋 街坊大本营 食过返寻“味” 802和803都係两层设计，店内面积不大，却是好多街坊聚会、求婚、庆生嘅首选地点。店铺咁热门，全因老板Simon哥有人情味得嚟，店内出品又够晒平靓正。咁多年嚟菜式嘅价格基本冇变过，加上店面又执得企理，所以啲街坊出去食嘢，第一时间就会谂起呢度！802和803好似孖兄弟咁会互补不足，803就弥补咗802未设有房间嘅遗憾。想话同朋友嘻嘻哈哈一齐叹日料，咁803嘅包厢就啱晒你啦，每间房门口仲配埋鞋揪，绝对係加分嘅细节位！鲜味、美味、人情味，呢间居酒屋一店三味，令到好多街坊和顾客都会食过返寻味。 18位股东 一道人情味 呢间喺小区转角位，睇落唔觉眼嘅居酒屋，喺疫情期间，周围嘅街坊都会专门嚟帮衬。一到饭点，呢度就会好旺场，但等位唔需要企喺门口做“门神”，大家可以移步过隔离嘅Café，吹住冷气、坐住等。点解有咁嘅安排？皆因802、803同隔离嘅SIK COFFEE都係由18位股东一齐建立嘅。而呢间居酒屋之所叫802，就係因为呢班股东，啱啱开始玩“煮饭仔”，做私房菜嘅地方就喺802号房。“802”呢个数字既是代表店铺的初心，亦是一份希望继续留存的情怀。 802 地址：广州市较场东路31号 营业时间：11:00-14:00；17:00-22:00 803 地址：广州市较场东路61号 营业时间：12:00-14:30；17:30-23:00 “啡空间”多元化 南洋文化怀旧look 广州好多Café会选择较为简约嘅装修风格，而今次我哋发掘嘅SIK COFFEE，陈设色彩缤纷，具有强烈嘅视觉冲击感，加上随处可见的港产片怀旧海报，多咗一份怀旧嘅味道。曾喺新加坡住过嘅店主嘉欣，係18位股东中年纪最细嘅一位，深受南洋文化熏陶佢，就将色彩浓烈嘅南洋嘅风格带咗嚟呢度。 空间多效用 文化嘅多元性亦係南洋嘅特性。除装修外，SIK亦想喺度呈现更多嘅可能性。午后阳光照喺室外嘅叹啡区，令人可以暂时放低烦扰，享受片刻嘅悠闲时光。一楼善用镜面设计，畀人感觉阔落。唔讲唔知，喺楼上竟然藏有个小型放映厅，叹住啡、食住Cake，坐喺度睇翻齣戏，你都咪话唔写意！二楼仲会不定期举行各类分享活动，包括亲子烘焙、宠物喂养等，次次举办，附近班街坊都会一呼百应！嘉欣同其他店员亦都好健谈，所以大家都经常过嚟吹水High Tea，唔知仲以为呢度係街坊们嘅私窦。 特色饮品迸发创意 饮品方面，SIK大胆咁将岭南特色融合，炮制出古早龟苓膏咖啡、招牌薏米水……薏米水选用嘅薏米口感Q弹，口感清甜，天气热辣辣嘅时候整翻杯，消暑又祛湿，养生又滋味，唔少妈咪都忍唔住要买畀小朋友试下！想饮咖啡，SIK呢度咖啡豆选择唔多，不过欢迎顾客自带咖啡豆过嚟噶，配埋招牌嘅芝士蛋糕，认真滋味！ SIK COFFEE 地址：广州市越秀区较场东路67-2铺 营业时间：09:00-21:00
