|
|
小王子嚟满足你嘅少女心 |
|
|
|
|
|
|
|
|
|
|
|
|
|
|
|
|
|
|
|
|
假装睇展览和打卡 |
|
|
室内小帐篷假装野营 |
|
|
一城一字诗意打卡角 |
|
|
一齐嚟同橘色主题合照 |
|
|
夏天绝配向日葵 |
|
|
轻轻靠近同向日葵say hi |
气温日日飙高，外出都惊热到融，但望见外面天朗气清，又心喐喐想喺出去行下，影翻几辑大片咯。喺二沙岛呢边，蓝天白云有齐嘅时候，只要你扑向色彩斑斓嘅花花世界，绝对係出片嘅绝佳选择！地王广场经过整饬，而家摇身一变成为极具艺术色彩嘅室内打卡地。呢个夏天，叫埋三五知己开启七彩打卡之旅啦！ 彭琳、实习生 许家铃/文、图 波子 零零/模特 黏土浮雕 名画焕新 莫奈嘅画作大家一定唔陌生，今次地王广场搞咗个用黏土作画嘅浮雕艺术展，本身已经极具视觉冲击力嘅画作，配合黏土嘅立体造型，出嚟嘅效果奇趣又吸睛。除咗画作，雕塑一样可以用黏土自由发挥。继续行入内，逼真嘅荷包蛋、花卉挂饰、多士摆件……琳琅满目，立体嘅感觉令人忍唔住想摸下试手感。 缤纷油彩 绘出所想 画画係一个创作嘅过程，亦係一次情感嘅释放。每一幅画作就好比一个宣泄嘅窗口，作者喺创作之时，佢嘅所思所想都会透过成品反映出嚟。地王广州有几个主题不一嘅油画展，有份参展嘅人未必係画坛大人物，但睇住呢啲出自普通人之手嘅画作，我哋反而可以接收更多唔同嘅信息。或者係作画当刻发生紧嘅事，又或者係作者对未来嘅祝愿。因为商场呢边人流量唔算太大，啱好可以畀大家静静地睇下展。 七彩场景打卡地 日日出片 一个地方想影三辑唔同风格嘅相，边度有咁笋嘅地方？地王广场多个主题打卡位就可以满足到你啦！梦幻花园、野营帐篷、橘子商店等，七彩主题任你拣。浅色系嘅裙装，配合夏日蜜桃妆，摄影小白都可以随手出片。唔识摆pose唔紧要，道具一定帮到手！有如橘子商店，一次过推住三部购物车扮shopping，举手、遮面、对住镜头甜笑，做齐呢几招，实影到啱你心水嘅靓相。Cos完“夏日甜心”，不妨试下去“爱丽丝梦游仙境”。花园主题嘅布景配合花篮、茶几和宫殿座椅，另一款主题嘅相话影就影。咁多打卡位，实满足到你日日更新动态嘅欲望啦！ 边影边学 时间管理大师 唔好以为打卡净係斋出片，呢度嘅打卡场景仲可以令你边学边影：汉字笔画、粤语文化、童话故事.....阿妈问起都可以话“奉旨打卡”。学生哥时期嘅你，肯定冇谂到一点一横都可以成为打卡点，镜头稍移动，墙角的泼墨渲染画又係另一番景象，学习都做唔一定要做“书虫”。想学啲盏鬼文化，粤语就啱晒啦！呢块粤语打卡墙，最啱中意广府文化嘅你，打完卡包你随口嗡可以当秘笈！做得耐学霸，厌咗想转个style，“小王子主题”打卡位即刻令你秒变小公主，蓝色梦幻场地，加上对你微笑挥手的小王子，影完相之后仲会有想返煲《小王子》嘅冲动啊！学到嘢又影到靓相，一店一景、一城一字都意义不凡。 开放时间：周一至周日 10:00-22:00 地址：广州市越秀区较场西路26号地王广场B2 花季少女夏日必影向日葵 唔经唔觉又到咗向日葵盛开的夏天，唔想人逼人行商场？咁就去舒适嘅户外赏花同野餐啦！二沙岛宏城公园今期嘅向日葵花海就够晒抢镜，唔使门票都一样可以影出日系小清新嘅feel。因为打卡地点喺户外，大家要做足防晒准备，最好係下午五点左右去影相和赏花，将晴空和黄昏收入囊中，出片绝对靓爆镜！ 开放时间：全天24小时 地址：广州市越秀区二沙岛晴澜路宏城公园
