|
|
|
|
|
薄荷朱古力 |
|
|
冰奶棒 |
|
|
超酸糖 |
|
|
|
|
|
芥末味薯片 |
|
|
眼球糖 |
|
|
牙齿糖 |
|
|
薄荷糖 |
|
|
瑞幸拿铁 |
|
|
|
|
|
星巴克粉拿铁 |
|
|
蜜桃乌龙 |
|
|
椰香乌龙 |
|
|
HelloKitty速溶咖啡 |
|
|
“花香果香点秋香”茶包 |
|
|
三顿半 |
过瘾嘅零食，不但可以让能量即将枯竭、精神逐渐萎靡嘅你满血复活，快速治愈加班时碎了一地的脆弱心灵，更係同事间促进感情嘅社交动力剂。想秒回满血状态？就应该整翻杯醒神饮品！Coffee or Tea？今期Color 为大家推荐开工“回魂”好味道，打工人请“胃”自己加油！ 陈祉伶、王婷/文 品牌官网/图 牙骹大作战 “五味”好提神 对好多人嚟讲，零食不但係用嚟医肚、救急，好多时仲係心情调剂品、提神良品。喺昏昏欲睡嘅时候，整翻两粒凉意爆炸嘅薄荷糖，提神醒脑简直冇得弹！吃完薄荷糖，饮一啖凉水或者冰水，口中仿佛有空调，凉意直冲天灵盖。唔钟意薄荷太刺激，可以试下温和的“冰奶棒”清凉奶糖，或者挑战下极酸柠檬糖、酸条，醒神效果一样好掂。唔想食糖？芥末味薯片了解下，调味浓郁，闻一闻即时神清气爽，食两片立刻精神。不过请同事食嗰阵，记得讲明係芥末味，万一摆乌龙搞错係抹茶味，分享变整蛊就唔好了。 鬼马至醒目 今时今日，一款小小嘅零食，想喺五花八门嘅诸多选择中脱颖而出，斋係味道正，远远满足唔到日渐嘴刁嘅年轻人。好味，只係对零食嘅最低要求，好玩有趣，才能迅速捉紧大家芳心！“奋斗饼”、“加油鸭”……鬼马文案识玩梗，心情即刻靓几分。假牙橡皮糖，造型仿真极吸睛，大大只“眼珠糖”，一啖咬落仲识爆浆，对于喷足成日口水、望足一朝电脑嘅上班族，用佢哋“以形补形”就最啱使。 鸳鸯走奶 得闲饮茶，话嚟就嚟 广东人成日话“得闲饮茶”，但我哋打工人都係沉迷工作，边有咁得闲？国内有好多茶饮店，都会推出一啲主题茶包，一嚟是帮打工人节省时间，二嚟係盏鬼包装博你心情休闲一刻。网红茶饮“和颜悦色”就推出咗好多特别嘅茶包，有带你游湖南嘅“弗兰茶”，每包茶叶都係一张“邮票”；“花香果香点秋香”茶包，包装借用咗港产片《唐伯虎点秋香》嘅人物角色同特点，但其实係个茶包盲盒，未打开每一包茶嘅包装，你都唔知道会饮到咩茶。水果同乌龙、绿茶都好百搭，“茶里”嘅蜜桃绿茶、蜜桃乌龙茶、椰香乌龙，果味甜甜，入喉解腻又生津，可以同咖啡嘅香气对扻下！ 可盐可甜，“啡”常掂水 真係无论何时何地，咖啡都係你嘅醒神partner 啊！今年，唔少连锁咖啡店都推出咗“虎虎生威”系列，听起身就好生猛，实际上甜美可人。瑞幸的丝绒拿铁，加上咗厚烧舒芙蕾质感嘅奶油顶，撒上香脆果仁，甜香四溢；星巴克将荔枝风味融入燕麦拿铁中，就连啲坚果碎都加咗红宝石巧克力碎，成杯睇落粉粉嫩嫩，睇到都被佢可爱醒！打工人喜欢嘅咖啡胶囊，cute爆嘅迷你小胶罐，干净又方便携带，仲有唔同口味选择，除咗原味，可以同其他材料结合可以混搭出舌尖新体验。
