|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
广州人向来都钟意好意头，样样讲求红红火火、吉祥如意、大吉大利……新年开工、返学咁大件事，当然要摞翻个好意头！跟住Color去越秀区穿街走巷，整翻件盏盏鬼鬼嘅钵仔糕，包你成年“食”来运转，步步“糕”升！ 陈祉伶/文、图 完颜团 谁说钵仔糕只可以甜？作为创新派网红代表的元氏钵仔糕第一个表示不服，辣条、烧鹅……通通可以用嚟做钵仔糕！如果一时接受唔到咁劲爆嘅搭配，可以先试试佢哋嘅招牌——“肉松蛋黄流沙钵仔糕”：酥脆肉松搭配上烟韧糕体，一啖落去，爆浆的蛋黄流心奔涌，绝对一试难忘。除咗钻研怪奇口味，创新造型也是呢家嘅特色，得意熊猫、粉红猫爪、仿真榴莲……颜值高到你唔舍得咬落口！当然，如此巧思梗係要付出啲代价，造型比较特别嘅，单价会比较贵，而且大部分需要提前预订哦。 元氏钵仔糕Yuan’s bowlding 地址：广州市越秀区越华路华宁里60号之一至之三首层自编4号 营业时间：周一至周日 14:00-18:00 古早味 钵仔糕要讲传统，点少得“怪叔”咧？怪叔家嘅传统老式钵仔糕，有成掌心咁大只，足料米糕，口感绵密扎实，细细咀嚼可以感受到米香渐浓。一直以来只做原味（红糖）、椰汁、芝麻、杏仁四种口味，甜度都比较适中。除咗钵仔糕，佢哋嘅糖水都好受欢迎噶，马蹄爽、西米露、菠萝冰……简简单单嘅广式糖水，口味唔会太甜（广东人对糖水的最高评价），清爽解腻，大部分只要5蚊，呢个性价比真系冇得挥。除咗淘金总店，宜家喺江南西、北京路都有分店。 怪叔美食店·阿婆钵仔糕（淘金店） 地址：广州市越秀区正平一街2号首层 营业时间：周二至周日 15:00-21:00 学院派 今时今日，边度仲有1蚊1只钵仔糕？但位于施家巷巷口嘅呢家无名糖水店，大大个menu话你知，佢哋嘅钵仔糕就係咁抵食！当然啦，一分钱一分货，呢家店卖嘅係透明嘅水晶钵仔糕，质感口味唔算十分丰富，但绝对冇偷工减料噶：椰丝铺满、红豆粒粒分明，实惠嘅价格、怀旧嘅口味，唤醒你学生时代的美好回忆。 钵仔糕（海珠南路店） 地址：广州市越秀区海珠南路158号 营业时间：周一至周日 8:00-21:00 实力派 如果你更喜欢厚实软糯嘅口感，呢家“步步高昇钵仔糕”就啱晒你！几蚊一只钵仔糕，可以由街边档做到入屋经营，你就知道佢哋嘅产品有几打得。经典的红糖红豆、桂花绿豆等多以粘米粉和澄粉为主，外表睇上去冇透明嗰种咁靓，但饱满软糯嘅质感，係好多老广最怀念的儿时味道。为咗迎合翻后生嘅口味，店铺仲喺经典品种嘅基础上，玩咗好多花样，好似朱古力流心、蔓越莓果干等，任君选择。不过呢家店嘅钵仔糕每日都数量有限，抢手口味好快就会沽清，如果想食到自己钟意嘅口味，记得趁早，或者拜托事头婆留货啦。 步步高昇钵仔糕 地址：广州市越秀区仙湖街44号地铺(近大南路) 营业时间：周二至周日 11:00-17:00
