|
|
|
|
|
吧台设计 |
|
|
|
|
|
|
|
|
神仙水sk2 |
|
|
|
|
|
曲奇&泡芙 |
|
|
左右逢源 |
|
|
|
|
|
橘子海咖啡 |
|
|
抹茶蛋糕卷 |
|
|
提拉米苏 |
|
|
|
|
|
|
|
|
|
|
|
|
|
|
|
唔经唔觉，又迎嚟咗新一年嘅忙碌！平日唔係对住部手机，就係揽住部电脑，係咪发觉自己经常双眼无神、失去焦点呢？今期color就介绍两间绿油油嘅好店俾大家，等大家喺一片清新怡人嘅“绿色”中，好好松一松，透翻啖气啦！ 陈晓彤/文、图 老城区有泰国度假风 由头绿到尾 抬头一望，棕榈叶？沙滩椅？度假伞？一下失神以为自己嚟咗泰国。从门面招牌到店内海报等等各种装饰，满眼绿油油，成个人即刻chill晒，咁样嘅享受去边度搵？荔湾就有！“LEFT RIGHT”呢间咁特别嘅咖啡店，开喺反差甚大嘅老西关居民社区，主理人就话其实只係想为大家提供一个放松hea脚嘅地方。店内嘅一切都可以睇出两位主理人花咗唔少心思：墙上灯牌隐藏咗店嘅发展历程；吧台有分享俾客人嘅各种咖啡周边；各种透露住广告人功底嘅鬼马文案，文案都有周边可以买！ 睇得又饮得 好多人对网红咖啡店有偏见，觉得佢哋都係得个样，但係“LEFT RIGHT”嘅饮品，无论係名字定係口味，主理人都有落足心机。主理人介绍，佢哋为咗提高顾客对咖啡嘅接受度，精选咖啡豆，再调试搭配；咖啡师会去参加唔同嘅比赛，提高专业性。店里招牌嘅“左右逢源”咖啡，用斑斓叶糖浆搭配椰浆，係浓郁嘅泰国风味，好上瘾！另一款“神仙水sk2”，用苏打水、香茅、柠檬等搭配，清爽又有独特嘅香味。 LEFT RIGHT咖啡 地址：逢源路58号110铺 营业时间：9:00——18:00 穿梭高空的绿皮列车 怀旧≠照搬 除咗空间装潢有年代感，出品方面都有怀旧feel。为咗唤起大家美好嘅童年回忆，及象咖啡为80、90后量身定制咗几款特调，原料包括但不仅限于我哋熟悉嘅菠萝啤、大白兔奶糖、菠萝北冰洋汽水等。唤醒熟悉的味蕾记忆嘅同时，又带来全新的视觉享受和味觉惊喜。而蛋糕卷、爆浆蛋糕等甜品，全部都係手工现做，仲会根据唔同嘅节日或者主题推出新品。 时空交错，酒啡齐全 及象咖啡係一家创意咖啡连锁品牌，以空中时代列车为主题嘅保利空中店，因为坐落于大厦高层，窗外真係可以欣赏到名副其实嘅高空靓景噶。火车卡座、站台、8090记忆零食售卖点等设计，令顾客仿佛置身于充满历史时代感嘅绿皮火车，望出窗外俯瞰广州旧城景同新城景，仲有川流不息嘅立交桥，仿佛感受到时光嘅穿梭变迁。到咗晚上咖啡厅仲会摇身一变，变成TipsyBAR，颠覆酒吧高定价、利润率极高嘅模式，为年轻群体提供一个微醺、性价比极高嘅社交场所。 及象咖啡（保利空中店） 地址：体育西路保利克洛维中景大厦A座34楼 营业时间：9:30——19:00
