|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
日前喺TVB“万千星辉颁奖礼”上，喜提“最佳女主持”奖嘅陈贝儿话：2021年好圆满！过去一年，佢深入国内曾经嘅极贫腹地，体验脱贫攻坚战后嘅生活变化；佢与受访者亦师亦友，聆听佢哋嘅人生故事……今期Color同大家一起，听陈贝儿身体力行去讲嘅“中国故事”！ 郭玮/文 受访者提供/图 亲历“无穷”贫瘠 提及同大众关注度好高嘅丁真合作，贝儿忍唔住甜甜笑，佢话：“网红化”嘅包装，只係为担负起旅游推广大使嘅责任，其实丁真依然纯真，回归草原上的马背，佢仲係一个热爱家乡、不羁放纵爱自由嘅甜野boy。一路走嚟，好多位置陈贝儿明明可以有走盏，但正因为样样都亲身经历，贝儿对《无穷之路》上的一切印象深刻，亦令贝儿心怀一种“使命感”：要将自己嘅切身感受，真实还原俾观众。 讲到《无穷之路》嘅拍摄，虽然拍摄过程好辛苦，但陈贝儿都觉得喺呢趟旅程中，受益匪浅、感触良多：克服畏高、亲身爬上天梯，佢先知道简简单单嘅一条楼梯，係咁来之不易；经历咗溜索过江的险象环生，佢先明白当地人民嘅顽强坚韧；经历过高原缺氧反应，先明白美景安抚人心的力量几咁强大……贝儿分享话：“无穷之路”上，当地人对自己目前嘅生活好满意，而且乐于同大家分享呢份喜悦。从佢哋的待人处事方式，同言行举止中，可以明显感受到佢哋嘅幸福指数好高。 enjoy双向学习 做主持人咁多年，贝儿去过好多地方、遇到好多人，有奥斯卡红地毯上嘅明星、嫁到世界边端嘅“港女”、今次《无穷之路》上嘅居民……贝儿觉得，听佢哋分享自己嘅故事，探索佢哋嘅人生，可以从佢哋身上学到好多嘢，佢哋通通都係自己嘅人生导师，双向学习嘅过程係佢最舒服嘅状态。陈贝儿话自己好中意交朋友，其实自己就係素人一个，工作令佢有机会去到唔同地方，跟唔同嘅受访者交流。将自己的所见所闻分享出去，同时吸收其他人传递出嚟嘅信息，呢个係佢的使命，亦係佢最想做嘅嘢。 不想受“封面”限制 《无穷之路》节目中，陈贝儿唔单止係主持，仲参与到整个节目的制作策划。跨年嘅嗰阵，陈贝儿有幸可以去到中央电视台新闻演播厅，同大家一起迎接新嘅一年。2021年对佢嚟讲係好充实与圆满嘅一年，感恩一切嘅佢应承大家，会继续关注大家关心嘅话题，身体力行咁去讲好中国故事，让更多人知道中国日新月异、经济腾飞嘅现状。贝儿亦话，虽然做主持係佢最得心应手嘅，但如果有合适嘅机会，可以尝试新领域，佢都无任欢迎！因为人生就好似一本无限可能嘅书，不受封面限制，内容可以不断扩充。
