|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
广州又开靓show啦！前段时间，新生代的多栖艺人吴宣仪（昵称“小选”）就喺中山纪念堂，举行咗一场仪式感满满嘅生日趴，同线上线下嘅“仪圆”（吴宣仪粉丝昵称）一起狂欢！作为佢嘅首场个人音乐会，唔止有新歌、辣舞，仲有独一无二嘅生日回礼，难怪当日有男fans示爱大嗌“娶我！” 郭玮/文 主办方提供/图 唱情歌、跳辣舞 bling bling嘅纱裙，加埋亮眼嘅皇冠头饰，成个公主咁嘅宣仪被蓝色应援灯环绕，深情咁唱出自己嘅心声。呢次以“仪切起圆”为主题嘅party，係宣仪同粉丝期待已久嘅见面机会，宣仪话，最想就係静静咁唱啲小情歌俾大家听！翻唱《再一起》、《星空剪影》，係传达佢同粉丝之间互相鼓励嘅情谊；而开场同结尾唱嘅《微光》同埋《北卡蓝》，係感激“仪圆”嘅支持；作为当晚现场观众嘅福利，除咗公开新单曲《RSVP》的特别版MV之外，宣仪仲献出新歌嘅live首跳，同舞伴大跳辣舞，引至台下嘅“仪圆”欢呼连连。 “土味情话”讲不停 Party都唔係斋唱跳嘅，宣仪仲同大家聊八卦、倾闲计。冇谂到呢个时候，有个男粉丝突然大声同佢讲：“娶我！”吓到宣仪瞪大眼仔表示“受宠若惊”，面对现场观众嘅起哄，佢即刻撒娇、扮到好嬲咁，叫大家“乖啦！”又嗲又甜嘅声音，融化咗所有人的心。生日会必备嘅默契游戏，“仪圆”尽显自己对偶像嘅了解，每个问题嘅答案都包含粉丝对宣仪满满的爱意。作为回应，宣仪都谂尽办法满足大家嘅愿望，譬如现场演绎“早、午、晚闹钟”情景设定，一句句“小臭宝”“晚安”嘅“土味情话”穿插成个“剧情”，冧到大家如痴如醉。 贴心回礼share愿望 为咗配合疫情防控要求，好多外地嘅粉丝呢次都未能嚟现场同宣仪庆生。宣仪就好贴心咁将一个自己参与策划嘅卡通形象，作为特别的回礼送俾大家。最后，喺切蛋糕嘅时候，宣仪将其中一个愿望share俾大家：希望所有人都开心健康。宣仪话：有大家陪伴就一啲都唔觉得孤单，所有困难都会推动佢嘅成长；“仪圆”们都希望，宣仪以后会带俾到我哋更多惊喜。大年初一，吴宣仪喺北京卫视春晚上，献出咗自己嘅小品秀初舞台，呢个係佢全新嘅尝试，也係一个好大嘅挑战，已经令大家见到咗唱跳、演员以外的一个“新鲜”嘅宣仪。
