|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
近日，一场别开生面嘅“栋笃笑大赛”喺水上开启！这次栋笃笑大赛，係为咗令热衷于用粤语传播快乐的人才，有一个可以施展才能嘅舞台而举办；秉承“出名要趁早”嘅至理名言，“趁早讲笑”成为呢次大赛嘅主题。大赛发起人郭嘉峰话：“人生就係咁，你要试一试先知，如果等到好有经验先嚟比赛，就唔係‘趁早’啦！” 郭玮/文 受访者提供/图 斋讲，可以各施各法 《粤知一二》主创、知名主持人、栋笃笑演员郭嘉峰，作为“趁早讲笑”栋笃笑大赛嘅发起人，希望通过呢类活动，激发更多人投身栋笃笑创作行列，鼓励佢哋勇敢尝试，发掘自己更多嘅可能性。作为首个以粤语栋笃笑大赛，吸引咗唔少粤文化嘅爱好者，投入到栋笃笑嘅创作行列中。喺1月初的“16进8”半决赛中，选手嘅表现可谓令人惊喜：有人利用自己细细个同爸爸之间嘅趣事做延伸，创作出关于“一嚿饭”嘅争论；有人将朋友饮醉酒出糗嘅过程，绘声绘色咁演绎，令你脑补出搞笑嘅场景；仲有人将自己的职场经历，声情并茂嘅表达出嚟，好容易令人身同感受；一位正职做修图师嘅选手，利用自己“职业之便”，将PPT作为道具协助自己嘅表演，获得大众一致好评，同时喜提嘉宾评委嘅赞赏。喺评审过程中，嘉峰看重嘅係每位选手每次的进步与突破，对佢哋嘅勇气与创意给予足够的肯定。 搞笑，要有“神助攻” 同栋笃笑鼻祖黄子华老师举行的大型场次唔同，小规模嘅栋笃笑更注重嘅，係演出者同观众嘅互动；线下演出嘅魅力也在于，表演者可以即时得到观众嘅反馈，以便佢适时调整自己嘅演绎。这次比赛嘅主办方，亦实行咗一啲“神操作”嘅助攻，例如调整灯光聚焦方式、将舞台空间缩细、拉近观众同演员嘅距离、评委同选手嘅互动等，特别係，大赛请来搞笑博主kc王凯曦，主持人、演员毛毛，知名艺人麦长青（麦包）这种资深“玩家”嚟做评委，有“补刀”有“干货”，甚至大秀“塑料普通话”，专业且笑点十足的点评，可以让选手有更好嘅发挥，同时令到在场嘅观众睇比赛睇得更爽。 创作，痛并快乐着 同好多内容创作者一样，嘉峰话佢哋都正在经历“痛并快乐着”嘅过程！痛，係因为希望自己创作出嚟嘅嘢有意义。要人发笑唔难，难就难在令人笑完之后，会开始回味或者思考某件事、某个point。郭嘉峰一直做紧嘅《粤知一二》，好多题材来源于日常生活，但要喺被好多人讲过嘅话题、玩过嘅梗上做出新意，有时真係几伤脑筋。而快乐嘅，就係当认真钻研、打磨设计后选定内容，出街嘅时候得到大家嘅赞赏，嗰个moment嘅满足感非常治愈。线下栋笃笑亦如是，创作者苦心思考出来嘅内容，得到观众嘅掌声，就会感受到被认同的满足。 推广，变住花式嚟！ 正如众所周知嘅，嘉峰喺传播粤语文化方面一直都不遗余力，新嘅一年，嘉峰喺呢方面计划多多。佢话除咗会继续制作盏鬼小视频之外，仲会好似呢次比赛咁，用栋笃笑嘅形式传播粤语文化，或者会同更多栋笃笑爱好者合作；佢嘅团队会慢慢尝试推出周边产品，令大家切实体验粤文化嘅精彩。巡演嘅计划已经喺流程上，大家可以一路等一路期待下。最后，嘉峰希望大家新嘅一年健健康康，开开心心，一起进步！
