|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
时尚永远都係一个轮回！好多经典嘅潮流元素，经历时间嘅洗礼，依然喺“潮流”浪花里此起彼伏，一浪接一浪：牛仔究竟有几忙？针织有乜新花臣？衬衫点着最好睇？线条可以几大胆……我哋可以跟住《青春不要脸》回到上个世纪80年代，着港风至潮穿搭！ 郭玮/文 《青春不要脸》剧照/图 牛仔要OT 歌仔都有唱：“牛仔很忙的！”牛仔元素喺时尚穿搭里面，永远都唔会过时，而且仲经常“加班加点”变住花样搞新意思。牛仔裤作为潮搭“万金油”，同任意衫相搭都好OK，当然衬T恤就最常规亦绝对唔会出错；牛仔外套比较普通常见，不过如果剪裁成无袖马甲，搭配嘅方式就多好多，浅色系最啱玩撞色，深色系列通常显得更修身。如果女仔怕牛仔裤装唔够lady，不妨试下牛仔连衣裙，只要喺里面衬翻件碎花衬衫，少女味即刻翻晒嚟。牛仔背带裤都係好经典嘅款色，唔拣身材仲百搭满分，无论同乜款嘅内衬都可以“做朋友”。 针织有花臣 针织衫之中，除咗极具学院风嘅“冷背心”比较受欢迎，针织短袖衫也係潮搭中的常客，虽然好似只係衫袖驳长咗少少，但造型风格即刻唔同晒。短袖衫最叻嘅优势，就係可以修饰肩膊最壮嘅部位，缤纷嘅冷线同浅色打底搭配，可以令视线集中到颜色鲜艳嘅区域，贴服嘅长袖打底包裹外露的手臂，可以令双臂更纤长迷人。如果係浅色针织衫，都可以与同色系打底一起搭配，一体化嘅配色更柔和，显得女仔更小鸟依人一啲。如果天气唔算冻，可以考虑单穿针织衫，弹性好够修身，perfect fit嘅size尽显魅力身段。 内搭好奔放 好多人习惯性用衬衫做内搭，其实衬衫嘅美好唔使收收埋埋。将衬衫嘅衫领翻出外套，薄软材质嘅衬衫同厚实嘅外套错位交集，碰撞出吸睛嘅造型：花弗嘅衬衫领可以令净色嘅外套唔再单调；大胆撞色嘅领款又够晒玩味减龄。如果想知性啲，反转搭配元素就掂过碌蔗啦：波点外套经典又好搭，内里嘅尖领白衬衫提升稳重感觉，即刻成为优雅又有少少气场嘅职业强人。 条纹路路通 条纹呢个经典元素，百变起身也活力无限。深浅渐变、粗细间隔相结合，已经有好多唔同效果；斋用两只颜色撞，强烈嘅反差显得好年轻；冷暖色搭配又可以有惊喜嘅效果，如果线条嘅角度变一变，仲可以好好咁凸显身材优势添。仲有一啲经典嘅“小蜜蜂”配色，有条纹设计加持，即刻时尚大增，唔似普通蜜蜂纹路咁幼稚单一；运动风嘅衫款多咗条纹嘅装饰，即刻变身“潮牌”系列，非sport day着都一啲唔违和噶。
