|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
近年嚟，越来越多香港艺人转战内地，积极往歌影视发展的沈震轩就係其中一个。今期Color同大家一起，认识不止係《使徒行者》Kobe的沈震轩，听他“回顾”青春，透露自己嘅“私密”小梦想，仲有分享佢最近的快乐。 郭玮/文 受访者提供/图 演戏多谂细节 外形有“江湖味”嘅沈震轩，啱做《喜爱夜蒲2》嘅“夜场高手”，也可以係《使徒行者》嘅卧底探员，但佢最想尝试嘅角色竟然係“爸爸”。因为沈震轩想跳出自己擅长嘅领域，去挑战平时自己少做嘅嘢……佢希望大家见到佢嘅进步，并且同佢一起进步。沈震轩话自己一直相信成功在于细节，就算係一个小小嘅眼神，佢都希望以后有人睇翻，会觉得呢个眼神係有heart嘅。所以如果可以有机会，佢想重新演一次自己喺《冲线》里面“叶辉廷”呢个角色，因为佢觉得如今嘅自己可以演绎得更完美一啲。 同大多数人一样，沈震轩想转换环境挑战自己，同时亦係睇中内地机会更多，佢由旧年开始便将工作重心移到内地。已经嚟咗内地一段时间嘅沈震轩觉得，生活环境其实冇太大差别，反而需要花时间去适应嘅，係呢个时代多渠道、快节奏嘅信息传递方式。曾经，觉得自己好“青春”嘅沈震轩会“放肆”咁去追梦，佢可以好纯粹咁去演绎无论大小嘅每一个角色，就算係冇对白嘅“茄呢啡”，佢都绞尽脑汁咁突出自己。依家，冇以前咁“潇洒”了，佢演戏嘅时候就需要谂得更多：“剧情需要我演一个十恶不赦嘅人，但唔可以食烟、讲粗口，就要做多好多功夫去表现。” 梦想做老师 你可能估唔到，沈震轩嘅梦想係建个学校。投身教育，係佢一直想做嘅嘢。佢觉得“教育”嘅意义唔係理论知识，而係摄取知识过程中，学会分析事物，判断对错嘅方法。佢举咗一个例子：“老师会教你红灯停绿灯过，咁当路上冇车，但又係红灯嘅时候，过唔过马路就係你自己嘅选择……”以前，沈震轩对误会、谣言都抱住“由得佢”嘅态度，就好似佢首《打不死》嘅歌词咁，“男人不讲废话”唔解释咁多，但渐渐佢发现事情可能恶性发酵，甚至因此影响到其他人，佢就觉得应该讲清楚先，喺呢个圈子里经历过浮浮沉沉，沈震轩逐渐学识更成熟咁去处理问题。 体验实战嘅快乐 喺同Color倾偈嘅时候，沈震轩有分享下佢最近的快乐。一直钟爱热血事物嘅沈震轩，以前只能用模型、手办嚟过下瘾，前段时间有机会去横店拍戏，宏伟嘅实景，令佢觉得好兴奋。虽然好enjoy一个人做gym，因为可以放空个脑，隔离外界嘅烦躁；但如果可以许一个愿望，佢就话：“我比较希望大家可以开开心心，过翻正常嘅生活！”佢同大家一样，希望疫情好转，大家都可以做自己中意做嘅事。
