|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
“索腿天后”，係好多人对陈敏之最深嘅印象，不过佢除咗呢个tittle，这些年也在不断挑战自我。佢係观众喜爱的最佳女配角，也係母爱满泻的顾家妈咪，早前仲变身口才了得的“金牌”带货主播，拎埋《识货2》冠军添。今期Color有幸成为敏之嘅“之心好友”，一起睇睇佢点样“sell”自己！ 郭玮/文 受访者提供/图 从艺要有平常心 入行已经20年嘅陈敏之话，做呢行其实唔係个个都得噶，所以佢觉得自己好叻女。啱入行嘅时候，容易大意犯错，经常会听到不和谐嘅声音，自己曾经都好mind。但渐渐成长，佢就发现中意挑刺嘅人几时都会有，所以乐观啲好，保持平常心，最紧要係胜不骄、败不馁。佢话自己会将失败当成教训，并以此为戒继续努力；将荣誉当成观众嘅认可，满足但保持谦虚；虽然自己冇乜野心，不过胜在够踏实，行得慢但根基稳阵。 依家佢基本唔会去关注留言，甚至唔再回看过去嘅作品，因为佢对自己好有信心，成长后的“陈敏之”一定比之前有进步。时常保持自信，不但係敏之嘅成长经验，似乎仲成为咗佢嘅美丽秘笈。敏之话：“‘潮’唔係你将咩品牌摆喺身上，係一种‘自信’！”佢仲教路Color，简单白T，加条浅色牛仔裤、高踭鞋，衬翻对耳环，只要够自信，就已经可以好型啦！喺敏之眼中，保持良好嘅心态，积极面对一切，人都可以靓啲！ No.1主播靠真心 年初，陈敏之喺综艺节目《识货2》中，展现出惊人嘅直播带货能力。原来喺佢细个读书打暑期工嗰阵，敏之就意识到自己好擅长sell嘢卖货。喺敏之睇嚟，想让人接受你嘅推介，一定要用“好物分享”嘅心态去推荐产品，因为网络直播同实体销售最大嘅唔同，就係消费者唔可以亲身感受到商品，主播通过镜头向人展示商品，首先係要自己真心中意，先有可能用真心吸引到人。敏之都透露，自己作为一个同样为食又“贪靓”嘅女仔，平时都会去人哋嘅直播间入手好嘢；有时唔为带货，佢都会将自己觉得好嘅嘢介绍俾粉丝。 show不一样的自己 陈敏之笑住咁话：“青春就係我失去咗嘅嘢！”但无论几时，佢都想继续挑战自己。形象“正气”嘅敏之话，做得多“警察”、“ICAC”等角色，都好想试下做“反派”，因为佢觉得呢种反差感可以令自己嘅角色更加立体。未来有咩计划？敏之希望尝试唔同嘅工作机会，例如参加真人show，或者分享类嘅节目，可以让大家见到唔一样嘅自己。目前，佢仲有两部电视剧未出街，两部戏嘅角色完全唔同风格，大家可以期待一下。 唔想仔仔入演艺圈 婚后减少咗自己嘅工作量，因为陈敏之想留多啲时间俾屋企人。仔仔今年5岁，正喺成长嘅黄金时期 ，敏之好庆幸依家有机会，好好陪佢长大。因为自己经历过演艺圈嘅残酷，佢就唔希望自己小朋友长大再步佢嘅后尘，但如果佢完成学业之后，有自己嘅谂法，敏之都会放手俾佢尝试嘅：“我希望佢做个简单、快乐嘅人。”演艺生涯起起落落，敏之庆幸自己收获亲如兄弟姊妹嘅“之心好友”一路陪伴，有机会一起饮嘢倾心事，可以百感交集。敏之笑住话“朋友都好信任我噶！”
