![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
高温暑热杀到,一谂起出门要直面猛烈的阳光,都真係需要鼓起万二分勇气噶。咁嘅天时要出外,除咗防晒措施要做足,补充水分也很重要。虽然满大街都係冷饮店,不过为咗更环保健康,当然係首选自备水杯兼饮品啦。想要进一步激发饮水的欲望?你可能需要一啲神器助力! 陈祉伶/文 品牌官网/图 颜控“催”水 夏天,就应该要“吨吨吨”地大啖饮水!但对好多朋友仔嚟讲,寡淡无味嘅冻滚水在闷热天气下实在太劝退,呢个时候就强烈推荐你拣番个高颜值水杯,催促自己“饮多杯”啦。缤纷养眼的外观,等你见到佢就爱不释手,想show俾人睇了哦,就自然饮多两啖水。contigo冷萃吸管杯係专为女神设计的水杯,缤纷多彩的糖果色,加上cute爆嘅图案,瞬间给人感觉元气满满,独特造型的吸管设计,仲可以当搅拌棒用,大啖饮水都唔怕沾口红。Coolgear的网红奇异系列,简直就係为后生仔女量身定做,清爽解暑西瓜、香甜脆口菠萝、椰树底下好乘凉……有咗呢啲果味嘅“皮囊”,饮滚水都觉得透心凉啦。仲有极地物种的圈圈杯,借鉴游泳圈的造型,可爱俏皮又够晒夏日,挂喺身上即变时尚单品。 保冷计划 盛夏季节,又点可以冇冷饮?如果想喺高温下,将呢份清凉保存得耐一啲,拥有一个可以保冷嘅水杯就好重要啦。大多数朋友都只会喺冬天用保温杯装热水,其实保温杯用嚟带冷饮出街一样很实用。Coolgear专为夏日设计嘅冷凝杯,就係不错嘅选择。呢个系列嘅水杯配有专利冷凝棒,将佢提前放置在冰箱里冷冻数小时,再装回杯中,即可使杯内饮品持续keep住低温2至4小时,相比冰块制冷,佢仲唔会有水分析出,破坏饮料口味。李宁、O2COOL等品牌推出嘅保冷喷雾水杯,除咗杯身双层设计为饮品保冷,新增的喷雾装置中令它摇身一变,成为“高温灭火器”,清凉水雾,帮你你肌肤降温又补水。 冰块自由 网上自制冷饮嘅教程越来越多,唔少朋友也偏爱自己动手制作,特别係外出野餐或者郊游露营的时候,都想喺朋友面前露一手。话嗮饮料唔加冰,快乐即减半,多冰才是对夏天的尊重,因此冰格也成为好多人嘅夏日必备神器。如果你对冰格嘅印象,仲停留喺难脱模的传统方块盘,咁你就断网太耐啦。现时嘅冰块模具纷纷内卷,有啲靠颜值取胜,百变造型模板凝结成靓仔冰块,为你的夏天增加一点小惊喜。有啲凭实力跑出,食用级硅胶材质,加上密封盖的设计,冷冻时无需小心翼翼地平放,也不会同其他食材串味,出冰时方便快捷,完美解决自制冰块的所有问题。如果你懒得清洗冰格,仲可以选择一次性制冰袋,想用几多就撕几多,超级方便。 Color提醒:夏天应该多饮水,冷饮、冻嘢虽然好爽,但一定要适量,否则容易伤害脾胃,得不偿失哦!