|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
《声生不息》持续热播，首集就凭《初恋》舞台成为黑马嘅Mike曾比特，以过硬实力同标志性“爆炸头”迷倒众人。从《全民造星》出道至今，Mike喺音乐道路上不断成长，未来亦希望可以呈现更多样嘅音乐俾大家……嚟同Color一齐探访曾比特嘅世界，接收来自佢嘅欢乐“炸弹”啦！ 郭玮/文 受访者提供/图 揭秘“初恋”的小心思 《声生不息》係曾比特咁大个仔，首次登上的大型舞台，所以对初舞台的设计自然係落足心机。会拣《初恋》做亮相舞台，係因为Mike本身就中意复古嘢，亦希望将以前港影、港乐百花齐放嘅盛况，用音乐作品呈现俾大家睇。老歌要新唱，Mike喺呢支作品上有个小心思，就係特意将佢改成咗old school嘅disco风格。佢希望每一个舞台都可以为观众呈现唔同嘅“曾比特”，等大家可以睇到佢多元化嘅属性。 除咗有机会展现多面的自己，Mike喺《声生不息》仲玩得好开心。初到节目组嗰阵，佢担心过自己可能同其他嘉宾唔夹，唔知要点算添。如今，Mike嘅“社牛”性格已经被大家熟知，无论前辈、同辈都中意同佢玩。佢特别提到，同自己合作《单车》嘅Lam哥係个超nice嘅“爸爸”，会share好多经验俾佢，仲同佢讲咗好多自己嘅故事添。李健老师都成日同佢交流，Mike忍唔住大赞：“李健前辈份人好幽默噶，好正！”能从大家身上吸收到唔同经验，仲成为私下都会约饭嘅好朋友，係Mike参加呢个节目最大嘅收获。 可爱到爆的开心果 听闻自己获封新一代“可爱教主”嘅称号，曾比特都觉得好surprise：“我明明係一个靓仔，点解会係可爱教主？”时不时钟意爆肚嘅Mike仲自言要成为“靓仔嘅偶像派”，佢表示节目中嘅自己都係最真嘅状态，言行举止都符合“靓仔”样……Mike讲到呢度突然娇羞，大嗌道：“哈哈哈哈我会怕丑，不过好多谢大家！”喺节目中，Mike有一套神似“军曹”嘅绿西装造型大获好评，佢试探性咁话，之后仲想尝试下穿裙子嘅look，说罢仲偷偷望咗一眼身旁嘅经纪人姐姐，得到允许后，即刻好开心咁话：“大家可以期待下啊！” 得到越来越多人关注后，曾比特都会成日上网搜索一下自己个名，睇下大家点样评价自己。即使遇到唔友好嘅留言，佢都会怀住感恩嘅态度嚟睇。因为佢嘅人生“伯乐”郭伟亮曾经教过佢：大家会评价就证明有人关注，无论如何都係好事。永远笑呵呵嘅Mike话自己好中意冧人开心，希望自己可以令到每个共事嘅人都感到快乐，而喺采访过程中，Color亦已经feel到呢位“开心果”嘅实力啦！ 蠢蠢欲动的跨界心 喺音乐道路上坚持咗多年嘅曾比特，原来细细个嗰阵，仲有个成为“消防员”嘅梦想：“我后生嘅时候成日做gym，谂住可以操大只啲。”但最终佢发现最爱嘅都係音乐，所以先成就咗今日嘅“曾比特”。除咗希望喺音乐上玩多啲花臣，Mike话自己都想试一下做主持，但就惊自己脑袋转得唔够快啰。前段时间，有幸同郭富城合作电影《临时械劫》，佢都希望以后有机会喺影视上尝试“悲情”嘅角色：“我应该做唔嚟嘅，希望可以借机锻炼一下啊！”依家嘅曾比特，希望自己可以喺食多啲美食嘅同时，又可以身材更fit，最紧要都係做多啲好作品嚟证明自己。未来嘅曾比特充满未知，但可以肯定嘅一点係，无论在咩位置，佢都会用自己嘅音乐作品将开心传递俾大家，做最真实嘅“曾比特”！
