|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
啱啱喺《声生不息》上用一首《我的骄傲》惊喜到大家嘅糖妹，今期孖住可乐君一起骄傲闯佛山，体验非遗手艺——石湾陶塑，品尝传承百载嘅“太史菜”。传承“老手艺”嘅匠人竟然係位甜妹？承载咗百年历史嘅味道会唔会好古早？一齐去片“UP在湾区”，即刻开启呢趟甜到漏嘅非遗之旅！ 郭玮/文、图 大有来头的传统嘢 石湾陶塑技艺係广东佛山地区，一种民间传统制陶技艺，因此佛山又被称为“陶艺之乡”，其中又以“南风古灶”为核心代表。石湾陶塑技艺其实自东汉时期就有噶啦，佢兼具生活趣味同埋艺术品位，仲有鲜明嘅地方风格添。石湾陶塑技艺有三大特点：造型生动传神，胎釉浑厚朴实，技法多姿多彩，係国家级嘅非物质文化遗产之一。 话到明“食在广东”，好多粤式名菜不但色香味全，仲有着深厚的文化底蕴。被称为“百粤美食第一人”嘅清代进士江孔殷，对烹饪好感兴趣，佢开创嘅“太史菜”中，就有一味以石湾玉冰烧入菜嘅“陈太吉冰烧玉锦绣”，呢款美味传承百年，以粤菜配粤酒，充分体现岭南地区嘅生活方式。 美味秘诀在于“潮” 陈太吉冰烧玉锦绣，係太史菜中嘅代表菜色，呢道美味已经传承百年啦。因为卖相精致但做法繁琐，所以太史家宴每日最多接受一台订单，以保证出品质量。江欣灿老师係太史菜嘅传承人，啱入行嘅时候，都係跟住亲戚从厨房小技工开始，边打杂边学嘢一步步成为今时今日嘅大师。“冰烧肉”嘅精髓要用本地嘅玉冰烧酒嚟清洗肉身，洗净嘅鲜肉仲要用米酒浸泡两日，令酒嘅精华同肉嘅鲜美充分融合。腌制好嘅肉，经过着色、炖煮，终于可以出镬，但江师傅喺临上台之前仲要拿出一把喷枪，喺切好嘅烧肉表面撒糖，再用火喷出焦黄酥脆嘅外皮。摆盘精致嘅冰烧肉上台，糖妹露出甜美笑容品尝，觉得啱啱饿住肚皮等到嘅时间都係值得嘅。太史家宴承百年，江师傅坚持连菜单都用手写，keep住呢份家宴嘅情怀，最后佢仲亲手题字係一份菜单上，送俾糖妹，话下次凭单开筵有得打折，满满人情味暖心头。 栩栩如生“有神器” 陶瓷艺术大师伍蔚蔚係个80后嘅甜妹子，自细就跟住屋企人接触陶艺嘅佢，从美术学院毕业后就开始专注于石湾陶艺嘅设计同创新。佢擅长将自己嘅情绪、生活同谂法融入到作品中，令每件艺术品都充满灵气:大眼睛嘅动物泥塑，有佢自己嘅形象影子，懒洋洋嘅肥喵喵手机支架，係以自己嘅宠物猫为原型……就好似糖妹喺创作音乐时一样，将感情注入作品，可令到成品更有魅力。第一次落手制作泥塑兔仔嘅糖妹，一开始都小心翼翼生怕整错咗步骤，但喺伍老师嘅悉心指导之下，即刻就放心“大展拳脚”、唔再惊青。佛山陶艺最精髓嘅地方，就係佢可以将动物嘅毛发根根分明咁呈现出嚟，连糖妹都非常好奇，咁细致嘅“毛发”纹理係咪要一条条咁雕刻。伍老师就攞出一件“碌毛神器”，有咗辅助工具，小白新手都可以秒变泥塑巨匠，神乎其技嘅“毛雕”可以瞬间完美打造。 Color提示：《UP在湾区·港见粤闻》会继续带大家学非遗、品美食，玩转非遗手艺噶，如果想知下次係边个带大家搞搞新意思，记得密密关注我哋啦。
