即时新闻

一手一个小可爱实现露楚自由

来源：可乐生活 2022年08月18日版次：10 作者：郭玮

　　今时今日嘅甜点，想要俘获潮人嘅芳心，不但要味正可口，外表够靓都好重要。近期刷爆小红书嘅泰国特色点心“露楚”，就靠色泽鲜艳、造型可爱实力出圈，呢款造型精致嘅甜点喺泰国有吉祥的寓意，以前仲被当作係皇室贡品添，不过现在就成为普罗大众也可享用嘅小点心。

　　今期DIY小课堂，Color团队就带你在家中实现“露楚”自由。

　　郭玮/文陈祉伶、黄蕾/图

　　造型不设限

　　咪睇“露楚”嗰名好神秘咁，其实可以将佢简单理解成啫喱糯皮包裹住嘅椰汁绿豆糕。佢嘅糕体，係用蒸熟嘅去皮绿豆加椰浆、加黄油，炒干水份之后揉捏而成嘅豆沙团。传统露楚一般都係拇指大小的仿真果蔬造型，不过有创意嘅朋友都可以发挥小宇宙，捏成小动物甚至其他小物件都OK。塑型完嘅绿豆泥馅可以用食用色素上色、彩绘，创作空间无穷大噶。露楚外层琼脂口感润滑，搭配上绿豆沙内馅的绵密，风味独特，清爽解腻，非常适合夏天享用。

　偷懒有妙计

　　制作露楚嘅过程中，最耗时嘅一步就係需要将绿豆制成细腻豆泥，怕麻烦嘅小伙伴，其实可以直接购买绿豆蓉馅，咁就可以跳过一段漫长嘅蒸制时光。创意多多嘅Color团队，试过将黄龙绿豆糕碾碎嚟代替绿豆泥，质地细腻但比较松散，唔多好捏形状，不过少量多次地加粉、加椰浆，都勉强可以成团嘅。炒制豆泥时加入椰浆，除咗令馅料更香醇丝滑，仲可以调整绿豆泥嘅粘稠度。琼脂片用于制作露楚嘅外皮，本身係冇味嘅，嗜甜嘅宝宝可以喺煮融琼脂嘅时候，根据自己嘅口味加入适量糖。