|
|
|
时隔4年，Supper 近期再次回到内地举行巡回演唱会，佢哋一直用自己嘅音乐作品，鼓励住歌迷进步，俾大家力量。将歌迷的欢呼当作动力，以最好的音乐作为回报，久违地登上内地舞台，四子感慨万千：多谢大家一直嘅支持，多谢大家仲记得我哋！ 郭玮/文 受访者提供/图 信心时时要有 Supper Moment将演唱会嘅主题定为“一直相信”，其实好有深意噶。喺成长嘅过程中，大家都会有啲迷惘、自我怀疑甚至对未来失去信心嘅时刻，所以佢哋希望借呢个演唱会主题，激励自己嘅同时，亦能鼓励到大家：要一直相信，前面有希望！返到内地举行巡演，受欢迎嘅程度令Supper Moment都感到意外。佢哋试过用线上音乐会嘅形式，同大家share新作品，所有流程都彩排好嗮，通过镜头用音乐同大家“讲故事”，大家都落足感情，但始终差啲live感觉。 再次登上live舞台，现场观众集体大合唱、嗌encore，呢种现场感令佢哋热血沸腾，正如佢哋首歌唱嘅咁：“是你令我再次找到心跳”。佢哋话，每个现场嘅观众都会有唔同嘅featback，而观众嘅情绪会牵引住舞台上嘅佢哋，越玩越high，现场就会越来越燃。每一场演唱会上，Supper Moment几乎都会唱一次《灵感床》，呢首歌嘅歌词好似係同紧自己斗气，但呢个感觉正正就係佢哋四个人做音乐嘅真实状态：“偏偏不想写一首最振作的歌……创作唔一定要有个好明确嘅结果，有时留啲空间，俾听众又好，俾自己又好。” 传统碰撞出新意 前段时间，Supper Moment受邀参加咗羊城晚报·可乐生活策划嘅《up在湾区之港见粤闻》非遗文化推广活动，品传统美味、学当地民歌，亲身体验非物质文化遗产的魅力。佢哋觉得，传统同创新永远都係并行嘅，新创意往往都係建立喺传统之上。就好似佢哋玩音乐咁，吉他、钢琴都唔係咩新玩意，但佢哋用新方式去演绎，创作出嚟嘅嘢就可能係一个突破。Supper Moment提到，《终于不回来》呢首歌，间奏嘅音乐就有粤曲元素，佢哋都希望未来嘅创作，可以有更多相关嘅灵感。喺学习非遗手艺嘅时候，Supper四子被非遗传承人嘅坚持深深感动，特别係佢哋听到老师傅讲，自己对呢门手艺嘅执着，係因为自己中意，并唔係固执嘅“坚持”……呢个谂法竟然同四人喺音乐上嘅理念不谋而合，佢哋做音乐嘅初心喺因为开心，但创作嘅过程难免会有阻滞，呢个时候暂时俾自己一个break，换个角度再出发，开开心心坚持做音乐。 新作惯例有惊喜 疫情期间，Supper Moment静心创作咗几首作品，迟啲就会逐一同大家见面。前段时间，佢哋为香港回归25周年创作咗一首正能量嘅《共创新篇》，作为首次与刘卓辉老师合作嘅作品，超凡默契令到呢首歌满载湾区青年嘅斗志与憧憬，可以话係一首非常有意义嘅作品。佢哋四个一合作，又会产生奇妙嘅“化学反应”。关于未来，佢哋四人各有期望，有人希望身体健康，有人话组乐队就要一不做二不休，有人继续努力，有人感谢自己…有自己个性，合作有火花，咁有默契，期待Supper Moment未来继续为大家带来更多好作品吧。
