潮人邨 Color采编幕后之秒出大片有贴士 黄芷晴/文 Color团队/图 关注《可乐生活》嘅朋友,应该都会发现,我哋期期都有靓爆镜嘅大片出街。呢啲大片究竟係点样诞生嘅?影唔同嘅拍摄主体时有乜讲究?等Color带大家揭秘大片背后嘅故事啦! 摆盘有讲究 珍馐一出炉,美味程度就会开始急速下降,卖相都会变差。我哋钻研各种摆盘嘅姿势,keep住食物最好嘅状态,令画面更加饱满,将食物最诱人嘅状态呈现俾大家。快门一秒钟,但摆盘就要十几分钟。虽然图片唔会有味,但如果大家一睇到啲相就忍唔住流口水,咁我哋就成功了。 架罉要贴身 古语有云:“巧妇难为无米之炊”,纵使你有一身拍摄技巧,冇一件趁手嘅架罉,都好难拍出大片。我哋嘅摄影器材就係我哋最亲密嘅partner,去边度外勤都带喺身边,一起拍住上。睇我哋嘅架势,包抄晒前后左右嘅角度,咁有默契,绝对可以攞满分啦。 角度需取巧 点样先可以让影出嚟嘅model会最磢镜?Model企边度先可以同背景最啱key?由边度影画面先会最和谐?呢啲问题要係实地多观察,并且尝试多个角度,最终会搵出最完美嘅角度。想知道呢条咁有意境嘅楼梯,藏喺广州边个角落?记得往后睇啦。 姿势好百变 大家睇到张相,係咪都觉得爱意溢出图片咧?再黐实小小都完全冇问题,我哋係pro噶嘛!为咗更好嘅画面,小伙伴敬业到爆棚,无论係点样嘅高难度姿势,只要相好睇,一字马就都照做。其实有爱、专业,就係我哋可乐生活嘅日常来嘅。 兴趣班 粤剧猫潮look大比拼 冼颖樱/文 冼颖樱、麻仲钰、陈沅滢/图 “粤剧猫”可以几潮、几百变?10月9日,喺“粤剧猫IP形象设计征集大赛第二期粤剧公益课堂”上,一班巧手同学仔运用粤剧、时装、可乐报等元素做设计,创作出好多优秀嘅“粤剧猫”作品,令人眼界大开! 名师点拨 今次公益课堂是由羊城晚报报业集团、广东省繁荣粤剧基金会主办,邀请了两位专家老师同大家分享创作经验。其中,广东粤剧院一团舞台队长、粤剧服装专家秦志力老师,1984年参加广东粤剧院工作,从事粤剧服装的管理和设计,获一级舞台技术职称,为《洞庭良缘》《伦文叙传奇》《狸猫换太子》等50多个有名的粤剧剧目设计过服装;2021年,被《粤剧艺术表演大全》编委聘请为主持舞美卷服装篇撰写工作的专家。 作品奇妙 广东女子职业技术学院服装设计专业的黄娟老师,还在学院带来了15位服装设计专业的同学即场PK。大家要在线稿的基础上或者在空白纸上创作,以粤剧融合时装完成一份具有国潮特色的“粤剧猫”时装设计。在她们的奇思妙想同一双巧手下,风格多元化的“粤剧猫”跃然纸上,有国潮风格的,有偏现代时尚风格的,也有经典剧目风格的。最好玩嘅係,Color君发现,同学们还巧妙地将可乐生活报中报道的潮流元素,与主办方提供的粤剧经典服饰贴图相结合,让粤剧和潮流元素你中有我、我中有你,创作出富有岭南广府文化特色又Q萌可爱的“粤剧猫”,每一幅作品都係出圈之作。
时装结合粤剧服装中的披肩与旗袍。
同学们结合了广府非遗中的饼印素材,“非遗”也可以很时尚。
同学们为粤剧猫描绘出眼睛,各种眼神都好生动。
-
即时新闻
![](../../../resfile/2022-10-18/02/klsh2022101802_b.jpg)
Color采编幕后之秒出大片有贴士/粤剧猫潮look大比拼
来源:可乐生活
2022年10月18日
版次:02
作者:黄芷晴/冼颖樱