梁竞徽：时刻准备迎接机会

　　可乐君真係好中意“搞搞震”，最近物色了“特约主持人”帮手做嘢。首part参与“面试”嘅係演员胡炯龙，佢喺《黑金风暴》《家族荣耀》等多部剧集中，都有出色表现。佢用一系列辛辣问题，为大家层层剖析自己嘅好兄弟梁竞徽（原名梁烈唯），可乐cover star新闻报道现在开始！

　　郭玮/文 陈祉伶、受访者提供/图　　

 

　　唔做演员，只做明星？

　　胡炯龙：做“演员”或者“艺人”，係米你儿时嘅梦想？

　　梁竞徽：细个嘅时候，我冇谂过要做“演员”嘅，嗰时都唔知咩嘢叫“演员”，我细个嘅时候，只想做“明星”。拍完第一个电影，我就觉得自己唔可以坐地铁搭巴士，我觉得大家都会认得我，几咁天真。

　　当梁竞徽经历过训练班，又投身拍戏后，先真正揾到自己“演员”嘅定位：“唔好觉得係呢个机会令你变好，我哋应该不断努力，一路准备着迎接机会先啱！”作为一个公众人物，顾家嘅梁竞徽最怕就係会影响到屋企人嘅生活，所以佢唔会去关注过多关于自己嘅花边新闻。不过，佢会去重温自己嘅各种专访，将呢啲素材当作自己每个阶段嘅节点，从中睇到自己嘅不足或者进步 ，激励自己做得更好。

 

 

　　爱做“坏人” 警醒大家

　　胡炯龙：入行咁多年，演过好多唔同嘅角色，有正能量嘅又有反派，自己偏向中意边一类多啲？

　　梁竞徽：我觉得反派嘅角色係好玩啲嘅，因为发挥嘅空间可以大啲。即使係我嘅反派角色，出嚟都好正能量噶，可以有警世嘅作用。

　　梁竞徽在自己嘅从业生涯中贡献过好多经典角色，从《飞虎》嘅狙击手，再到《使徒行者》嘅“木虱”，仲有好经典嘅“反派”Kenny……喺最近嘅《飞虎3》里面，佢饰演内敛神秘嘅化学博士“许森”，对佢嚟讲係一个全新人设的演绎，佢从中睇到自己演技上嘅成长。

 

 

 

　　做好自己，寻求突破

　　胡炯龙：最近你嚟内地生活同工作啦，有咩特别嘅感受啊 ？

　　梁竞徽：呢边嘅人，对新事物嘅接受程度好高啊，大家嘅思维都转得好快，都会去尝试新嘅事物。而嚟到广州，觉得最神奇嘅就係，呢边可以好容易食到港式味道。

　　毕竟在外打拼，“家乡味”係梁竞徽心心念念嘅情愫，西华路一碗简简单单嘅炸酱云吞面，有满满嘅港味不单止，仲令到佢未食完就想返寻味，广州呢个城市真係既包容又多元化。食多咗就早起做多啲运动，正如有机会就要努力把握，呢啲係佢感恩所有、突破自己，再慢慢体验生活所得出嘅感悟。佢觉得“演员”都係普通人，演员亦都需要生活，体验更多、尝试新嘢，先可以创造更多精彩。

 

 

　　“特约主持人”胡炯龙

　　佢係《黑金风暴》里面，用演技惊艳咗大家嘅“陈逸东”；佢仲係《家族荣耀》中唯一一个“好男人”程峰。对于呢两个角色嘅表现，胡炯龙好自信咁俾自己满分好评。从互相有“牙齿印”到依家亲如手足嘅好兄弟，炯龙话，竞徽喺佢经历低谷嘅时候，鼓励佢支持佢，先令佢可以搵翻自己之余又重新振作。喺更多嘅平台搵到自己嘅价值，係佢依家一直努力紧嘅嘢。今次炯龙喺Color首次营业就咁成功，相信未来佢都会keep住呢份热情，创造更多未知。