这些手袋太奇怪

　　手袋作为潮人必备单品，既可以做穿搭上嘅主角，又可以做配角。托特包、邮差包、法棍包等已经风靡几十年嘅经典款，已经满足唔到好多追求个性嘅年轻人。为求一袋吸睛，越来越多设计师剑走偏锋，打破传统手袋形状、材料等限制，融合各色元素，搞出咗唔少古古怪怪嘅袋。睇过嘅朋友，一定都会感叹一句：“好怪，但好想拥有！”

　　黄芷晴/文 品牌官方/图

 

　　手袋玩Cosplay

　　正正方方嘅包包，虽然实用性强，但係次次行街都可以撞到几个孭同款袋嘅，实在太冇意思。“Urban Revivo”将手袋嘅收纳功能同宠物狗狗嘅外型mix埋一起，同著名电影IP《爱宠大机密》合作推出咗“腊肠狗斜挎包”。这个袋子做工细致，连狗狗嘅毛毛做到都好逼真，远远望过去，就好似真係拖住只狗行街咁。另外，“Urban Revivo”亦都推出咗猫猫款包，绝对满足到每一位爱宠人士。同猫猫包、狗狗包嘅硬挺相比，“MUZIBAG”设计嘅“神马包”，走柔软随性路线，睇起身更sharp。袋身虽然係模仿马匹嘅形态，但主体仍然保留手袋嘅经典形状，收纳空间更大，更实用。

 

　　Urban Revivo腊肠狗包

 

 

　　Urban Revivo猫猫包

 　　唔制，我唔走！

 

　　MUZIBAG 马包

 

　　马包细节

　　人袋合一超吸睛

　　练剑嘅最高境界係“人剑合一”，有啲袋在设计上追求“人袋合一”，孭起嗰袋犹如变身。“FELISSIMO”好有巧思地将化蛹成蝶嘅过程同手袋融合，重现神秘的蝴蝶生态。从蛹袋中“生出”蝴蝶翅膀形状嘅袋，还原咗大绢斑蝶同大帛斑蝶嘅经典花纹，孭上身你就係“蝴蝶仙子本仙”！想走暗黑风嘅朋友，“怪力”呢款蓝环章鱼立体双肩包就啱晒你啦。除咗包身本体高对比色彩嘅章鱼触手印花，仲添加咗两条立体触手同帽，古怪但有型。戴番顶帽，孭起个书包，分分钟化身“暗黑版章鱼哥”。

 

　　FELISSIMO 蝴蝶袋子

 

 

 

　　怪力 章鱼包

　　创新材质好出片

　　想要同其他手袋打出差异化，单改变造型係唔够嘅，仲要喺袋嘅面料材质上花心思。“梵集木包研究所”嘅复古相机包、朱古力包，就深受唔少中意摄影嘅小姐姐欢迎。原木色低调清新，再加上老式相机造型，手袋都可以变身扫街影相绝佳道具，加上少见嘅实木材质，小众更有格调。“KUNOGIGI”嘅设计理念就更加超前，同“fourtry”联名嘅BOBO手袋，与其话係手袋设计，不如话係一次趣味横生的材料实验——袋身由二次改造嘅网管，穿插、编制而成，透明BOBO珠藏入网管中，视觉上轻盈又富有动感，仿佛自带BGM。渐变的糖果配色，充满青春嘅气息，相当好衬衫。

 

　　梵集木包研究所 相机包

 

　　KONOGIGI BOBO包

 

　　梵集木包研究所 朱古力包