|
|
|
赏灯，係岭南人每逢大时大节都必备嘅节目，而精致华丽嘅宫灯，就很适合用于元宵、中秋等传统佳节。究竟一盏靓靓宫灯，要经过几多道工艺先能制成？宫灯上嘅图案，又承载住啲乜历史典故？今期《UP在湾区·港闻粤见》，就由唐文龙带住大家去到江门，见证一盏宫灯嘅诞生。 郭玮 /文、图 张灯结彩表祝福 江门东艺宫灯，又被称为宫廷花灯，係中国嘅彩灯中，富有节令特色嘅民族传统手工艺品之一。其实，宫灯在隋唐时期就已经诞生，在中国有上千年的历史了，係中国传统文化的一个重要符号。而江门宫灯技艺，则据传为一位李姓宫灯御师所创，佢在南宋未年流落到江门新会，至清末，其后人李希焱重操祖业，在江门长堤开设了宫灯瓷业行，并由其子李发继承父业，让宫灯技艺重焕光彩。上世纪40年代后期，李发将宫灯生意转移到香港，正式设立东艺宫灯厂，并结合西方工艺制成现代宫灯。东艺宫灯采用木料、玻璃等材料，使用可折叠式设计，方便携带，除咗係江门地区大型节庆活动嘅专用灯，更随着五邑华侨的足迹流传到海外，係华侨之间互送祝福嘅信物。 工艺繁琐靠细心 宫灯具有浓厚嘅地方特色，在造型与结构上都非常有古典风格，而代表尊贵嘅“龙”图形係宫灯必备嘅元素。传统宫灯一般会用红木制作龙架，配上寓意丰收团结嘅中国结，如果係宫廷用灯，更会添加玉雕作为配饰，提升佢嘅尊贵感。传统宫灯嘅制作好考验师傅嘅耐心，从选定造型之后嘅雕花、打磨、镶嵌，每一步都唔可以马虎。而制作宫灯上嘅图片亦有玻璃画、拓印等唔同手法，图案多为龙凤呈祥、福寿延年、吉祥如意等，寄予挂灯之人美好嘅祝福。而到咗现代，宫灯已经唔再只係权贵之人嘅奢华用品，而走进平民百姓生活嘅宫灯，配画可以更生活化、更有个性，不变嘅係佢哋依然承载着一份美好嘅祝福与希望。 亲手绘制情意重 为咗令年青一代都对呢种古老而有意义嘅手工艺感兴趣，传承人李仰东师傅特意开班教学，让更多人可以亲身感受到宫灯魅力。唐文龙与芳芳首次接触到呢种手艺，都为佢传承千年嘅魅力所吸引，迫不及待要尝试制作过程。佢哋喺插扇上画上“年年有鱼”图案，又亲笔提上“心想事成”字样，配上师傅亲绘嘅醒狮、花卉等等图案，一盏集结咗大家祝福嘅宫灯就大功告成啦。 宫灯制作嘅工艺源远流长，到今时今日都依然绽放夺目耀眼嘅光彩，佢唔单止凝结住华人华侨对祖国嘅思乡情结，亦係佢哋同祖国嘅情感纽带。传承人喺keep住传统手艺嘅基础上不断玩创意，亦係为咗令呢种工艺历久弥新，让呢份情谊不断传承落去。 Color提示： 《UP在湾区·港见粤闻》会继续带大家学非遗、品美食、玩转非遗手艺，如果想知下次轮到边位大咖带大家搞搞新意思，记得关注我哋啦！
