新奇雪糕清凉一夏

　　如果话秋天嘅好心情来自奶茶，咁夏天嘅好心情一定係来自雪糕！文创雪糕好睇又好食，仲可以发朋友圈打卡；奇形怪状嘅雪糕，靠得意嘅外型俘获你心；甜品雪糕有惊喜，可以一次满足你两个愿望。呢个夏天，你准备好嗒住雪糕清凉一“夏”未呀？

　　王慧诗/文  品牌官网/图

 

　　央视雪糕 体验特别

　　近年来，文创雪糕掀起咗一片浪潮，各个旅游景点甚至大学院校都推出咗自己嘅文创雪糕。前排，连央视总台都加入浪潮，顺势推出咗四款文创雪糕，雪糕係以牛奶同水果混合制作而成，有藻蓝牛奶草莓味、芒果藻蓝牛奶味、藻蓝牛奶味、草莓牛奶味四款口味，造型分别有中央电视塔、梅地亚中心、央视总台大楼同CCTV麦克风。作为媒体人，“CCTV麦克风”款最吸引Color君，因为可以用做采访嘅姿势去食雪糕，呢种体验都几特别。据闻雪糕一推出，线上线下立即掀起一阵打卡热潮，雪糕上架仅2小时就已经售罄。如果大湾区嘅朋友仔想打卡央视总台文创雪糕，唔使去到北京咁远，喺端午假期嘅时候，佢已经正式登陆广东南海影视城，大家去玩嘅时候就可以顺便试下了。

 

 　　CCTV麦克风

 　　梅地亚中心

 　　中央电视塔

 　　中央广播电视台大楼

　　可爱造型 抓心挠肺

　　夏日炎炎，唔少造型好cute嘅雪糕都走晒出嚟，睇到佢哋咁得意，你就会忍唔住要试试! 呢款“猫爪烧”雪糕，外型似足一只好Q嘅猫爪，里边包住杨枝甘露、巧克力曲奇、红豆牛乳3种夹心，一啖咬落去，先係酥脆嘅外皮，然后再係冰爽甜蜜嘅夹心，呢种感觉真係无得弹啊！ 仲有之前凭住“拧巴香蕉”造型大热嘅品牌，今年佢哋又推出咗4款新雪糕，分别係果香清甜嘅“人鱼小姐”、酸甜趣致嘅“猫头鹰”、甜过初恋嘅“洛樱”、丝滑香醇嘅“可拉比熊”，外型咁得意，唔买嚟嚟影相就会心挂挂噶！近排榴莲当季啵，新鲜榴莲大家都食得唔少，榴莲雪糕有有咩特别？呢款榴莲冰淇淋采用纯正嘅树熟猫山王榴莲，果肉含量高达50%，浓郁嘅牛奶香味搭配浓郁嘅榴莲香味，口感仲要好似雪糕咁丝滑绵密，啱嗮“榴莲党”嘅胃口！

 　　普拉拉-猫头鹰

 

 

 　　开心魔力丸冰淇淋

 

 　　普拉拉-洛樱

 

 

 　　李大橘-猫爪烧

 　　玛拉皇后-榴莲雪糕

　　甜品+雪糕 甜蜜暴击

　　同样甜蜜的雪糕同甜品，如果叠加一起，咁就会係甜蜜的暴击。丝滑浓郁嘅香草味冰淇淋，搭配清爽嫩滑嘅树莓果酱奶冻，就组成咗草莓芝士蛋糕风味冰淇淋，双重嘅口感，令你每一啖都食到满满嘅幸福感。亦有唔少商家将烘焙同雪糕组CP嘅，好似呢款小泡芙雪糕，外壳係酥脆松软嘅泡芙，夹心係绵密嘅香草冰淇淋，一啖一个，外酥内软，口感好特别！仲有一款威化饼夹心冰淇淋都值得尝试，外观同普通威化饼冇乜区别，但一啖咬落去，嗰种冰爽甜蜜嘅感觉又会令你回味无穷。

 

 　　威化夹心冰淇淋

 

 　　小泡芙雪糕

 　　草莓夹心蛋糕冰淇淋