“美食”同你做个friend！

　　

　　美味食物係我哋嘅好朋友，但食得多又怕肥，唔食又惊肚仔饿……如果“美食”话要同你做friend，听落都几盏鬼啵！巨型“食物”扎堆，去影相打卡马上令你减龄变cute；迷你“零食”随身袋，keep住好心情；仲有“厨具”神助攻，美好生活日日来！

　　

　　郭玮/文  秦丽莹/图

　　

 

　　大件够架势

　　

　　一大片pizza、有情绪嘅香蕉，仲有juicy蔬果同香喷喷芝士，呢啲平时只会出现喺餐枱上嘅美味，全部变成king size之后，唔单止“美味”加分，连可爱值都瞬间飙升！蛋糕乳酪变成坐垫、人形镬铲做装饰、煎蛋就最适合成为你嘅“依靠”啦，返工返学嘅疲劳，翻到屋企见到缤纷食物变成软腍腍嘅朋友仔，即刻感觉被治愈。学巨型香蕉怪做嬲嬲表情包，扮咬啖大大粒爆米花，用红扑扑嘅草莓杯饮嘢，感觉自己都变得好sweet。仿真加大码嘅食物造型用品，唔单止摆拍够架势，仲令人安全感满满，就算唔食得落肚，都好有质感。

　　

 

 

 　　Molisii茉莉絲煎蛋坐垫

 　　厘途草莓杯

 　  细粒好携带

　　

　　Pizza揽枕、菜花靠背都唔方便随身携带，仲有迷你款嘅“小零食”可以随时随地陪伴住你。试谂下你去到一个迷你厨房，见到饼干造型嘅耳机袋、汉堡包款嘅折叠电话，仲有“猫和老鼠”同款嘅迷你肉骨头解压玩具……呢啲大家日常都会用的小物件，size细咗唔止一个码，但细节全部到位，攞喺手上质感满分，望住又赏心悦目，每次从手袋拎出嚟嘅瞬间，就可以治愈你嘅唔开心。有啲商家仲推出咗迷你食物盲盒，小型罐头、微缩易拉罐、简易鸡蛋防撞格应有尽有，每次打开“罐头”就好似体验新款美味咁，仪式感十足，神秘感拉满。

　　

　　

 　　vanwalk蘑菇钥匙扣

 　　夹心饼耳机包

 　　vanwalk罐头盲盒

 　　卷卷动物园捏捏肉骨头

　　鬼马有创意

　　

　　当食物唔再係拿来吃嘅时候，佢哋就会变成好多你意想不到的生活用品，鬼马look令你估都估唔到，仲会让你忍唔住笑。电饭煲变头盔，既保留咗煲嘅主体造型，又加入咗头盔嘅各种需求，防水、避震、安全卡扣都有齐晒，咁鬼马嘅造型，戴住骑车好容易影响旁边司机嘅专注度。吐司皮造型嘅被套，撑起来一样方方正正大大片，连材质都模仿到一模一样，加上鬼马表情，大家要小心瞓瞓下肚仔饿。最过瘾嘅，要数king size巨无霸汉堡凳，层层叠叠嘅仿真颜色令人好有食欲，凳面嘅芝麻细节仲有按摩功能，坐喺咁鬼马嘅凳仔上工作，真係好难唔分心啵！

 

 

 

 　　乐宾牌电饭煲制头盔