眼仔碌碌“试食”好滋味

　　

　　博物馆，係用嚟向大家展示和传播文化嘅地方。喺“美食之都”广州，唔单止随处有美味可口嘅地道美食，连博物馆都可以“试吃”？舔舔脷已经深入到广府人的DNA里面，美味就变成一种广府文化的文化符号，今期Color君就带大家用眼仔“试食”凉茶、肠粉、咖啡，睇下美味食物究竟有几靓！

　　

　　黄译萱/文   张子殷/图

　　

 

　　品历史“医”肚

　　

　　肠粉係一种用米浆蒸制而成嘅食物，因为造型似猪肠，乾隆皇帝就大赞去好味并赐名“肠粉”俾佢啦。虽然肠粉喺广东地区随处可见，但其实各地嘅肠粉都会有自己嘅特色：潮汕肠粉会加入鱿鱼、鲜虾；客家肠粉皮呈半透明、口感比较Q弹；云浮肠粉注重米浆制作，会用手推石磨精制；而广式肠粉就以西关肠为代表，有咸甜之分……喺华辉拉肠肠粉博物馆里面，你唔单止可以睇到过去制作肠粉嘅石磨、蒸屉、筲箕等等工具， 仲可以通过VR体验肠粉制作过程，甚至可以DIY自己专属的美味添。摆靓靓pose打卡，细阅趣味肠粉历史、嗨玩制作过程，最后仲可以到餐厅品尝正宗肠粉，学到嘢又医埋肚，无论係外地旅客或本地老广，入到肠粉博物馆都会好满足。

　　

　　

 

 

 

 

　　“尝百草”养生

　　

　　广州三件宝：烧鹅、荔枝、凉茶铺。嚟到广州，一定要去街边嘅凉茶铺，饮翻杯独家配方凉茶配粒“鼻屎糖”，然后来黄埔嘅广东省凉茶博物馆，用眼仔试清楚呢杯凉茶的文化内涵。一踏入博物馆，未见到热气腾腾嘅凉茶，就已经闻到一阵广东人都好熟悉的“草本香氛”。喺呢个神秘嘅草药世界里面，你唔单止可以了解到传统凉茶嘅熬制方式、广东凉茶文化数百年的沉淀和变迁，喺馆内的药材气味辨别区和配药区，大家仲会见到好多得意嘅配方，其中就有“抗病毒口服液”等“看门口”必备药。户外嘅芳草园据闻种植了300多种可以制作凉茶的草药，香气令人神清气爽，我哋可以喺度想象一下神农氏尝百草的感觉。喺专业工作人员的指导之下，自己试下制作一个驱蚊香包，再试一杯养生下火“神饮”，这个体验才叫做完整。

　　

　　

 

 

 

 

 

 

　　“啡”常叹世界

　　

　　饮过“中式咖啡”，就唔可以错过“番鬼凉茶”——咖啡啦。据闻中国第一家咖啡馆就诞生于广州十三行，依家咖啡店已经走进广州的大街小巷。一行入FOODJOY咖啡源咖啡博物馆，我哋就被浓浓咖啡香包围。博物馆全玻璃外墙嘅设计，装咖啡豆嘅麻包袋，一包包咁排列在墙上，当大片阳光洒下，这里就成为最吸睛嘅打卡位，随意一摆都可以轻松出片！喺呢家占地2000平方呢嘅博物馆里面，我哋可以了解咖啡豆从种植、采摘、烘焙到冲泡的全过程，品味到唔同咖啡豆散发嘅独特香气，唔使等大型专业的咖啡展，就可以见到唔少大型嘅咖啡烘焙设备。与志同道合的咖啡友学杯测、拉花、冲煮，或者等专业嘅咖啡师帮你特调一杯靓啡，都係你见证每粒咖啡豆焕发新生命嘅过程。