整定嘅香菜 “芫”来係咁食

　　

　　香菜又叫芫荽，係一种带有特殊香气嘅蔬菜。有人唔中意香菜，係因为佢基因中有对醛类成分特别敏感嘅染色体，唔知你同香菜係咪命中注定嘅一pair咧？最近，又有一批香菜联名食物面世，碳水、肉类、零食，边个同香菜最match呢？香菜榨汁更好味？可乐君启动开胃模式，帮大家“尝百草”试真“香”啦。

　　郭玮/文  黄译萱/图

 

 

  快乐“碳”世界

 

　　Top1:

　　香菜捞车仔面。

　　香菜调味粉代替原本嘅xo拌面酱，降低咗油腻重口，香菜嘅加入令车仔面更添清爽。

 

　　surprise：

　　香菜酸辣粉。

　　酸辣粉嘅酸爽 、辛辣会盖过芫荽香，食完后调会有香菜余香返场，只要唔抗拒香菜味嘅人都可以接受到。

 

　　normal：

　　香菜炒牛肉盖饭。

　　新鲜香菜炒嫩滑牛肉，调味比较重，所以特别送饭。整体口味偏家常菜，冇太大惊喜。

 

　　　肉债要肉“尝”

 

　　怪香：

　　香菜鸡肉串。

　　包裹鸡肉嘅炸面浆捞入香菜碎调味，唐扬肉串原本嘅酱香同香菜混合，味道奇特。呢款食物入口香，但后调有啲奇怪嘅回甘，喜爱程度因人而异啦。

 

　　经典：

　　多多香菜鱼蛋。

　　咖喱鱼蛋“走咖喱”，依然keep住佢弹脆嘅口感，加入“致死量”嘅香菜碎，同鱼肉鲜香味道好夹，如果单食香菜碎会有少少苦味。

 

　　唔惯：

　　香菜福州鱼丸。

　　福州鱼丸冇鱼蛋咁爽口，香菜碎同鱼肉混合，入口有比较重嘅腥味，味蕾敏感嘅朋友可能食唔惯。

 

　　浓郁真“汁”味

 

　　接受：

　　香菜蛋花汤。

　　速溶嘅设计好方便 ，冲泡后料多味又够 ，同知名快餐店嘅鲜蔬芙蓉汤有得挥，香菜味有香精味陪伴，唔会好刺激，就算怕食香菜嘅朋友都可以试下。

 

　　报警：

　　浓缩香菜汁。

　　如果直接饮浓缩汁，又会有一阵强烈久置蔬菜干嘅苦味，盖过香菜嘅清新。香菜汁兑水之后，香菜味就好淡了，几乎feel唔到。直接饮、兑水用都唔ok。

 

　　推荐：

　　香菜牛油果牛奶。

　　香菜味好弱，入口都係香滑牛油果嘅香气，冷饮会更加清爽，加热之后，牛油果香味更加浓郁。唔中意食香菜嘅朋友都可以轻松接受。

 

　　“零”感会失望

 

　

　　

　　

　　嗮气：

　　香菜薯片。

　　香菜味薯片外形够晒磢镜，但食落就冇同品牌嘅青瓜味清新，又冇香菜原本嘅香气，just似普通薯片。

　　

 

　　

　　

　　救命：

　　香菜辣条。

　　辣条嘅精髓係油香辛辣，呢款零食相对健康，是因为加入香菜后变成低油减脂版本。成品入口咸辣干涩，失去咗食辣条嘅快感。

 

　　玩嘢：

　　香菜脆饼。

　　饼干多层更添松脆，香菜末以馅料嘅形式藏喺饼干千层中，虽然见到香菜本菜，但饼干本身自带甜味盖过咗香菜味。