冠军同款 “龟”咁有料

　　如果你係“欧气”满满嘅“乌龟大师”，成功碰翻来一堆乌龟大军，不如把龟仔排兵布阵，帮你“坐镇”重要位置。喺揾钱之地——工位，变身乌龟摆件，用柔和嘅颜色治愈疲惫嘅你； “看守”你嘅粮仓——冰箱，小乌龟冰箱贴陪你日日丰衣足食；你嘅全副身家——手机，梗係带返个“乌龟壳”先够硬净！

　　黄译萱/文   黄译萱、汤唯闻/拍摄   汤唯闻/模特

 

　　老友“龟龟”

　　经过简单改造，五颜六色嘅乌龟可以变成得意嘅小玩具来治愈你。佢哋可以整成钥匙扣，陪你打卡各处美景；可以整成捏捏球，陪你学习、工作，舒缓压力；可以整成风铃，用丝丝白噪音抚慰你的心灵。

　　乌龟钥匙扣：准备透明封口袋，倒入亮珠或闪片配饰打造一个粉色海洋，再把乌龟放入封口袋嘅“海洋“中，最后装上挂链，一个粉色小龟摇摇乐钥匙扣就完成了。

 

　　乌龟风铃：最方便嘅方法就係买一个风铃材料包，喺玻璃球上画出“星辰大海”，再让龟仔“爬上”玻璃球，最后挂上写咗标语或祝福小纸条。风吹过，叮铃铃嘅声音悦耳动听。

 

 

　　乌龟捏捏球：当“解压神器”捏捏球遇上树脂小乌龟，拧一下乌龟就会四处游动发出碰撞声，绝对係“声控必备”。喺TPR空皮球中加入史莱姆、小配饰和小乌龟，再用针管抽出气体就可以开拧啦！

 

　　盏“龟”上身

　　美妆穿搭界开始发力，戴上“龟甲”，龟计“上头”，龟仔“出洞”，把水灵灵的小乌龟着上身，做最chok的有“龟”一族。

　　乌龟头箍：如果手上仲有多余嘅头箍、发夹，不如让小乌龟“趴”上去，变成五颜六色嘅缤纷发饰。识发夜光嘅龟仔到咗夜晚，更会瞬间令你成为人群中的亮点。

 

 

　　乌龟鞋花：准备鞋扣、胶水和小乌龟，简单组装后变身可爱的鞋花，帮广东省“省鞋”之一嘅洞洞鞋“装修”成夏日海洋风。搭配水波纹粒、海星等造型，或者闪炩炩嘅鞋花，就更加有海滩的氛围感。

 

　　乌龟美甲：用bling bling嘅指甲油打底，再用美甲凝胶把小乌龟黐上美甲片，就可以得到得意嘅美甲。用mini版乌龟整出来嘅美甲，更精致、更方便。

 

　　

　　大摆龟阵

　　奥运健儿全红婵备受大家宠爱，出埠一趟满载而“龟”，凭借一己之力带火“乌龟对对碰”，让无数打工人“沉迷”彩色乌龟。呢款网红小游戏集盲盒、消消乐、连连看三样为一体，拥有各size“祖孙四代”，既可以提供情绪价值，又令大家感受到盲盒嘅刺激。一堆小乌龟仲可以点样治愈你？快啲跟住可乐君快乐“二创”啦！

　　

　　乌龟手机壳：乌龟有大有细，如果係足够大嘅乌龟，可以贴上手机支架，帮你揸实手机不易甩；细乌龟更容易摆阵，用滴胶粘在手机壳上，摆成你钟意嘅“阵法”，举起手机时你就係最抢眼嘅仔。

 

　　乌龟摆件：揾一个透明嘅盒或相框，抓一把乌龟仔放入去整成乌龟叠叠乐。一次过放入一堆龟龟，既可以节省空间，每次转动龟仔又会叠出唔一样画面，睇落仲好有成就感。

 

 

　　乌龟冰箱贴：只要喺每个乌龟的背后黐一块磁铁，你就可以喺冰箱上面排兵布阵了。想要咩形状就靠大家发挥想象力。夜晚就算唔开灯，都可以跟住夜光龟龟轻松揾到冰箱啦！