翻煲童年，做最强魔法师

　　最近游戏圈掀起一阵童年IP“翻煲”热潮，备受期待嘅《洛克王国：世界》手游，足足等咗六年终于正式上线，从当年嘅网页游戏进化成手游，靠情怀杀入新赛道。喺一众翻车嘅“情怀IP”中，《洛克王国》得到玩家一致好评，等我哋睇睇佢究竟有几好玩。

　　秦丽莹/文 官方游戏/图

　　随心！玩家“剧本”自己set

　　游戏亮点唔止“拯救世界”，在主线之外自由度极高：可以起一间属于自己的温馨小屋，将世界各种精灵塞入精心打造嘅家园，揽住萌宠做宅男宅女；亦可以做纯粹的外观党、收集党，搜罗至靓至chok的衫仔来行show；钟意探索魔法世界嘅玩家，可以约埋朋友，用同骑技能一齐冲到世界尽头；热衷对战嘅朋友，可以通过PVP模式一决高下，睇下边个係“擂台之王”……《洛克王国：世界》有童趣但唔幼稚，连成年玩家都玩到津津有味。官方趁势表示，每年会更新超过200只精灵，保障玩家年年都有新体验。

　　过瘾！手搓精灵花哩碌

　　手游版剧情上同前作《洛克王国》差别唔大，但玩法丰富咗好多：玩家作为魔法学院新生，偶遇可爱嘅迪莫，一齐喺魔法世界调查“黑暗复苏”嘅异象。开局就可以从水、火、草三个元素中选择你的初遇精灵，捕捉其他精灵时要留意佢哋的性格，因为会影响佢嘅战斗属性。手游仲有一大亮点——帮精灵皮肤“染色”，今次配色比起前作更丰富，随机炫彩渐变色，皮肤够晒潮，令各位魔法师满意到爆，纷纷上网狂晒自己染到花哩碌嘅精灵仔。

变身细细粒，轻松叹世界　　

　　《粒粒的小人国》凭温馨治愈的慢节奏，成功安抚玩家情绪，被网友评为“电子布洛芬”。3D生活模拟赛道竞争一向激烈，前有《动物森友会》坐镇，后有米家的《星布谷地》放闪弹追赶，“粒粒”在测试阶段就获得大部分玩家好评，睇嚟好大机会成为下一个游戏界新星。

　　秦丽莹/文 官方游戏/图

　　慢节奏冇压力

　　喺《粒粒的小人国》里面，玩家会变成只有5厘米高的“心想家”，意外缩细身形后，可以在房间里嘅书桌、窗台等角落，带住大肥猫“乌帕”收集材料，打造属于自己的“避风港”。除咗日常区域，仲有好多奇幻区域等你探索——生机勃勃的“摇粒乡”、神秘的“乌帕大森林”……每个角落都充满惊喜！喺呢度，冇强制日常任务要求，亦冇功利化的奖励，游戏强调不内卷、无压力，俾机会你放松大脑，沉浸式体验生活，感受“小视角下嘅大治愈”。这种一反常态嘅游戏设定，令网友纷纷惊叹：一啲都唔似“鹅厂”作风！

　　话晒事暖心玩

　　在服装设计上，“粒粒”游戏偏向现实感，细到领带、配饰都可以自由更换，轻松实现OOTD自由；喺自己亲手DIY嘅温馨小家里，可以同可爱嘅动物仔开美味派对，食饱一起去森林采花粉、吸花蜜，感受自然，仲有NPC会邀请你去音乐节狂欢。不过，《粒粒的小人国》一测后，玩家都提出咗唔少意见——目前游戏版本内容比较少，玩到唔够喉，部分场景与玩法的呈现效果，与宣传PV有差距。网友仲喺评论区鞭策厂商，希望游戏正式服快啲上线，等各位“粒粒”早日“入伙”。