|
|
图源：地王广场X我遛娃遛你 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
大自然真係好神奇，有水有阳光，就可以孕育一切生命。人类受到大自然嘅呵护而茁壮成长，我哋更应该遵循人与自然和谐相处嘅原则，好好去保护生态资源。拥抱大自然，不如试下打造一个专属嘅迷你生态缸，喐喐双手，就有机会拥有一个属于自己嘅“水”世界啦。Are you ready，go！ 郭玮/文 陈祉伶、网络资料/图 擘大眼选料 要打造自己嘅“水世界”，除咗必备嘅鱼缸之外，自然少不了大自然中嘅各种元素啦！用于打造生态环境嘅细沙、石块、水等等都比较容易获取，购物平台上仲有已经清洗处理好嘅半成品出售，如果想更悭时悭力嘅朋友仔可以考虑直接入手。搞掂“硬件”材料，仲需要组成生态圈嘅各种生物，树叶、树枝、水草等等材料，同样可以喺购物平台选购。当然也可以去大自然中就地取材，不过记得“取之有道”哦：例如可以拣取自然掉落嘅枯枝树叶，尽量唔好破坏生态。 而缸中嘅“小生命”可以选择耐养、易养嘅家养观赏水生宠物，呆萌嘅六角恐龙、颜色靓靓的宝莲灯、机灵妩媚嘅斗鱼等等品种都唔错，大家可以根据自己鱼缸嘅大细，或者色彩喜好嚟选择噶！ 手把手造景 准备好材料就可以开始落手落脚DIY啦，要提醒大家一下嘅係，虽然“小生命”拣咗耐养、易养嘅品种，但依然有少少“娇气”，所以尽量要选用纯净水或者矿泉水嚟饲养，如果係自来水，记得要静置几日，以防自来水中残留嘅氯成分伤害到佢。 步骤 ①铺细沙 喺鱼缸底铺一层细沙，主要用嚟俾水生宠物保暖用。 ②放大石 选取一块大石头置于缸底沙层上，为“小生命”提供栖息、庇护用嘅“别墅”。 ③撒碎石 撒入适量嘅碎石、粗砂砾。摆放可以随意少少，主要营造多样“地貌”。 ④注清水 注水时需要用手引流，令水沿住缸边慢慢流入，防止水流冲击打乱已布置好嘅环境。 ⑤种水草 水草根部尽量插入沙底，隐藏人工操作嘅痕迹，同时令佢更稳固扎根水底。 ⑥放枯枝 插入少量树枝、枯叶，还原最真实嘅生态环境，随意摆放即可。 ⑦小生命入住 将“小生命”放入水中，啱入住嘅“小生命”可能会比较不安烦躁，将佢静置，慢慢适应即可。 ⑧成品 小鱼缸无需额外供氧，但大体积嘅生态鱼缸，可能就要配翻个氧气阀啦。 贴心小提示 大家好关心嘅换水问题，其实都比较好处理。如果係大型嘅生态鱼缸，最好就配备一套净水过滤装置，咁样就可以免去换水嘅麻烦，亦比较节约水资源。如果係放喺台面嘅小鱼缸，用“虹吸法”换水都好方便噶。另外，我哋打造嘅小鱼缸，其实已经係一个比较完整嘅“生态圈”，有一定嘅自洁循环功能，小小“水”世界唔会太难打理噶！
