混搭新花式 传统嘢载新滋味

　　老广讲起砂煲，实係拎去整煲仔饭，或者猛火急攻啫啫万物；提及茶杯、蒸笼，脑海中浮现嘅就梗係茶楼标配，一盅两件。不过最近，竟然有食肆专门拆散嗮呢啲“官配”，用砂煲装冰沙，用蒸笼装雪糕，呢啲不走寻常路嘅“混搭CP”会有乜惊喜？Color同你一齐去睇睇！　　

　　

陈祉伶/文 秦丽莹/图

　　

　　万物可砂煲

 

出品有“潮”味

　　无论係咸口煮物，定係甜口冰沙，喺“煲林D煮物屋”呢度，都选择用老广味十足嘅砂煲作为器皿！点解谂到啲咁有创意嘅煮法？主理人melon同阿lam就笑称，佢哋原本只係为咗“清库存”。佢哋经营嘅“酒瘾咖啡”，此前推出过一款网红单品“煲仔提拉米苏”，唔少食客都表示好中意，于是开呢家新店嘅时候，干脆用呢种器皿做主题。除咗嗰煲好睇得，佢哋嘅出品都几得意噶。主理人来自潮汕，出品自带潮汕风味。例如会在汤底会加入金不换同水果，增加煮物嘅风味，辣椒酱都係自己特别调制嘅；潮汕盛产青梅，潮汕人家厨房里都有一瓶酸咸梅，店里有个招牌产品“潮汕梅子冰沙”，堆成小山的刨冰下有足料糖水，上有酸酸甜甜嘅梅子酱奶油，混合陈皮姜、话梅肉碎，口感同味道十分有层次。

 

 

 

怀旧中充满烟火气

　　“煲林D煮物屋”虽然喺开在潮人汇聚的东山口，但四处都充满一种怀旧气息。复古的绿漆推拉门、老式藤条小桌椅、挂在墙上的红色手写餐牌，让人仿佛回到儿时放学后会光顾的小食档。Melon、阿lam都多次强调，其实佢哋一路都唔係想做网红嘢。附近食肆唔多，开呢间店原本都係想咖啡店员工唔使捱外卖，解决员工餐之余，也希望附近街坊路过时，有个地方可以医肚。所以，店里出品主要走亲民路线，不想同街坊有距离感。在记者探店期间，店里客人络绎不绝，除咗有专程嚟打卡的后生仔女，也有唔少上年纪嘅叔叔阿姨入嚟食面，仲有爸爸带住落课嘅囡囡嚟觅食。

 

 

　　煲林D煮物屋

　　地址：越秀区东华东路市场北街7号

　　营业时间：周一至周日 12:00-19:30

　　甜品店茶楼feel

 

　　

一盅两件 打包带走　

　

　　“一盅两件”唔止茶楼有，雪糕店都有啵！开在永庆坊嘅“also cab.雪糕店”，主打嘅招牌产品“小笼包”就係用蒸笼装雪糕。任选口味的雪糕球放在洒满椰蓉的甜甜圈上，再装入特别定制嘅可爱蒸笼里，造型中西结合，十分过瘾。另一款热卖产品“功夫豆腐”，则係用功夫茶杯装雪糕加豆腐状的椰子冻，表面铺上满满一层椰子脆片，软嫩同香脆在口腔里打“组合拳”，唔中意太甜嘅朋友仔，仲可以淋上咖啡液搭配食用。店内的雪糕有分意式冰淇淋Gelato同雪葩，从size到口味都可以自由搭配，单球、双球、糯米糍Gelato嘅容器造型都唔一样，各有各的可爱。顾客仲有个“福利”，所有容器都可以带走哦！

 

 

 

西关风情 搭配温馨

　　“also cab.”的主理人之一橙先生係土生土长嘅广州人，据佢介绍，“also cab.”係由湛江开到嚟广州嘅。而广州分店选择喺恩宁路，係因为佢对呢个自细长大的地方特别有感情。作为一间开在骑楼下的雪糕店，装修风格保留咗西关味道，门口的趟栊门就好有西关风情。行入店内，主理人原创的可爱logo人仔随处可见，空间虽小，搭配温馨，来小坐会十分舒心。听讲，9月中旬，“also cab.”会有同东山口嘅咖啡店推出联名新品雪糕，大家又有新嘢试了！

 

 

 

　　also cab.

　　地址：荔湾区恩宁路204号

　　营业时间：周一至周日 12:00-20:00