港式综艺杀入内地

　　近几年嚟，好多香港艺人都在内地发展，佢哋一边适应内地生活、了解内地文化，同时亦将香港优秀文化带进内地融合交流，大家更加同声同气。佢哋对综艺节目的参与度越来越高，《乘风破浪的姐姐》《披荆斩棘》等综艺节目，因为香港艺人的参与，热度直接拉满；最近又有三档唔错嘅综艺节目，香港艺人从参与升呢到制作，睇睇有咩好介绍先！

　　郭玮/文  综艺截图、海报、经纪公司提供/图

食翻够本

　　可乐君嘅老友记糖妹，上个月就带大家云打卡咗广州嘅潮玩地啦，知道大家对“玩”最感兴趣，所以今期佢就叫埋自己好姊妹谷娅溦，一齐勇闯上海，通过手机旅游app带大家去打卡。每个城市都会有自己特色嘅吃喝玩乐，《魔都女行》呢个节目专门去探寻试食评分高嘅网红美味、话题多多嘅潮流店铺，影低最值得记录的靓靓风景，做一部“行走的happy指南”。真实嘅口味评价，毫不做作的玩乐体验都喺节目入面呈现晒出嚟，可可爱爱嘅糖妹同斯斯文文的娅溦，似闺蜜一样齐咬同个面包 ，又会学“怨种”咁互相diss对方，带我哋喺欢声笑语中品味生活，既sweet又好快乐。

 

 

 

 

 

寻访英雄

　　上过Color封面嘅陈贝儿，凭节目《无穷之路》获得“十大感动中国人物”称号。全新一季《无穷之路2·无价之保》已经开播，贝儿再次孭起行囊，将镜头对准生态环境。人类与环境嘅关系，係“共生”定係“共存”，需要“守护”抑或“陪伴”？陆地荒漠化、江河海洋生态受污染，总有一群无名英雄默默守护住全国各地嘅绿水青山。贝儿同佢嘅团队，嚟到风景靓但未经开发嘅地方。虽然条件恶劣，但节目组仲係坚持下来，了解到好多英雄、人与生态嘅故事，等我哋可以跟住镜头去认识呢啲人和事。

 

 

 

 

 

“晒”朋友圈

　　前段时间，我哋见到王祖蓝拖妻带女嚟咗内地，工作之余 ，不忘约下嗰啲好耐冇见嘅朋友仔。火爆“娘娘”蔡少芬、“永远嘅少女”薛凯琪、“巨肺天后”邓紫棋、小学同学容祖儿等，祖蓝直接用一档综艺节目嚟“晒”自己嘅朋友圈。《有个闺密叫祖蓝》从节目名就已经彰显佢嘅“妇女之友”属性，喺节目中，祖蓝会同呢啲“闺蜜”煮饭仔、食好嘢、逛公园，边玩边倾生活琐事，回忆“那些年”。有人讲起自己老公“吃醋”嘅一些事一些情，有人会谂起自己曾经为人两肋插刀、做“义气仔囡”，大家有讲有笑、笑中有泪……从节目中，点都可以睇娱乐圈中嘅真感情，睇到明星们真情流露嘅时候。