|
|
|
|
|
|
|
|
|
由黄子华、邓丽欣主演嘅电影《还是觉得你最好》，于中秋档期上映，Color君同粉丝齐齐“开饭”！忙于生计嘅年轻人早餐匆忙，午饭求其打发，但晚饭一定争取相聚。呢部以“晚饭”为主线嘅电影，让大家在嘻嘻哈哈中收获感动。Color君亦希望同大家一起，欢声笑语中继续携手同行！ 郭玮/文 电影方提供/图 粉丝齐“开饭” 相聚一直好难得，每一次同粉丝们相聚都係可贵嘅记忆。仲记得18岁生日嗰年，Color同一众粉丝线下相约，逛市集shopping、玩游戏摞奖品、敞开肚皮试美食……同大家一起嘅欢乐时光无论几时想起，都仍能让人愉快。话咁快一年过去了，今年，可乐君决定邀请大家“食晚饭”，“邀请函”一出，粉丝立刻积极响应，向大家share自己“记忆中的晚餐”：有人记得屋企人为自己煮嘅最和味小菜，有人就怀念女朋友第一次落厨的滋味，最暖嘅一个外卖，吃唔饱但好心满意足的一次经历……每人心中都有一个餐单，食遍天下珍馐，还是觉得你最好！ 晚餐“修罗场” 食晚饭係再普通不过嘅日常，但同台一起食饭嘅人唔同，即使係相同嘅饭餸菜，都会食出唔同嘅味道。《还是觉得你最好》的故事对准被命运捉弄的三兄弟，大哥嘅前度女友竟然成咗二佬嘅现任，呢段复杂嘅感情仲衍生出“第四者”。本来已经够晒狗血，点知原本唔太关事嘅三弟都“自身难保”，拉埋自己女朋友嚟趟呢潭“浑水”。七国咁乱嘅感情线，拉扯住呢个家庭，每晚一家六口人、新旧四对情侣一起食晚饭嘅饭枱，就演变成一个“情感修罗场”。大家好耐冇见嘅黄子华再次开启“冷静咁搞笑”模式，金句连连，语出惊人，带邓丽欣、王菀之、张继聪玩转饭“戏”攻心。“真人版娜美”林明祯继续美艳登场，诠释嗲爆“傻白甜”，陈湛文无包袱嘅剧抛式演技更是值得期待。齐人就可以开饭，呢个晚餐，大家注定会笑到碌地。 再睇会有惊喜 经过数次剧本围读、排戏，再加上演员同导演之间嘅绝对信任，《还是觉得你最好》向大家递上一份充满欢声笑语嘅答卷。导演陈咏燊话，安排剧中嘅“二哥现任”係“大佬前度”，算係全剧最有争议嘅人物关系，但咁嘅设计可以令人物更具戏剧性。每位演员之间嘅默契、各种微细表情的助攻，仲有出其不意嘅伏线，都值得大家细细品味。“呢部电影真係值得大家睇2次，甚至3次噶，每次都可能有惊喜！” 陈咏燊将最日常嘅生活戏剧化，借由电影引发大家对家庭初心嘅探讨，本身就係一件好warm嘅事。港味粤语，亦係呢部电影嘅一个卖点，用粤语表达出嘅嗰份人情味，係戏中晚餐桌上最惹味嘅一道“餸”。希望大家睇完电影会心一笑，还是觉得你最好，爱，常在心中。
最左为导演
