|
|
蜗牛卷发 |
一到年底，大家都开始为过年新look谂计仔啦！讲到要有年味，唔少朋友仔都会选择整翻个波浪卷发，所以啲发廊就睇中大家嘅小心思，到咗呢个时候都静鸡鸡升价，“杀”大家一个措手不及。宠粉嘅Color梗係唔会令你蚀底，get到呢啲卷发神器，喺屋企就可以手动打造心水嘅卷发啦！ 郭玮/文 品牌官网/图 瞓个“美发觉” “瞓番个美容觉”大家就听得多啦，你体验过“瞓个美发觉”未？其实，只要用上一个好得意嘅辅助工具，瞓醒一觉就可以get到一头完美卷发，真係悭时又悭力噶。讲嘅就係懒人卷发海绵棒，佢就由一支柔软嘅棒状海绵做主体，使用嘅时候用大发夹固定顶端，然后将头发分成左右两股，分别绕喺海绵棒两端，最后用橡筋扎实发尾即可。经过一夜嘅塑型，瞓醒之后就可以得到一头自然卷嘅大波浪啦。因为海绵棒只能将头发分成两股，绕出来的波浪就会比较大，如果想要细密啲嘅弯度，可以试下用八爪鱼型嘅卷发器，将头发分成适当嘅分量绕落“触须”上，同样安心瞓一晚，靓靓小蛋卷头就完成啦。仲有大肠橡筋型卷发器，丝带卷发条等等，都係用柔软嘅材质制作嘅，表面覆盖丝绸材质的面料，用起身唔伤发，戴住瞓觉都唔会觉得唔舒服。 短发有救星 柔软丝绸面嘅卷发神器，需要使用者用自己自身嘅头发固定住，所以比较适合头发相对较长嘅朋友用，如果头发比较短，又想一夜卷发，就可以试下另一款神器：马卡龙卷发海绵球。佢中间有一条凹槽，将头发绕入凹槽即完成操作，每个海绵球可以将头发卷出一至两个波浪，而且十分Q弹，瞓觉嘅时候可以卷好多个喺头上，第二天解开海绵球，你就得到一个卷卷弹簧头。海绵球除咗轻身柔软之外，仲有各种造型，士多俾梨造型嘅最受欢迎，好多电视剧里面都出现过噶。除咗海绵球，蜗牛卷发条就可以卷出泡面型嘅蓬松卷，佢有特殊嘅发勾辅助，使用起身都好方便。另外，也有《了不起的麦瑟尔夫人》同款嘅蘑菇铃铛卷发器，以及更色彩缤纷有意思甜甜弹簧圈，款式真系多到你眼花。 吹吹更靓丽 如果有事赶住出门，又唔想用电发棒夹卷头发，都有够快手、卷度又够大嘅方法。卷发风筒罩就可以安装喺风筒头上，趁头发半干嘅时候使用效果最好，吹发嘅时候，头发会因为惯性自动绕上风罩中心嘅卷轴上，唔洗自己喐手，头发就会乖乖卷起来！除咗风罩之外，仲有比较轻便嘅螺旋卷卷发柱，卷喺适当嘅位置后，同样用风筒吹热塑性，拆开之后就形成自然卷发。如果想造型更持久，喷上少少定型产品就够perfect啦。 风筒罩黑色 
SMITH CHU
八爪鱼卷发器
大肠橡筋型卷发器
丝带型卷发器
海绵棒卷发器
蘑菇铃铛卷发器
弹簧卷发神器
风筒罩
螺旋卷发柱
