热热闹闹嘅2022世界杯赛事啱啱落下帷幕啦！宵夜睇波，早茶复盘，成个月嘅吹水话题被足球承包嗮，你係未仲有啲意犹未尽咧？今期粤语课堂为大家送上“世界杯特别番外”，一起睇睇生动鬼马嘅粤语讲波术语。 陈祉伶/文、图 陈毅霖、龚应裘/模特 插花 cab3 fa1 踢个波，因乜解究又走咗去“插花”？足球运动中嘅“插花”，其实系形容球员盘球过人时，双脚轮番在波上左穿右插嘅假动作，以迷惑对手从而避开对方拦截意图，有时又会讲成踩单车。而另一个常见术语“插水”，则通常指球员为咗博取罚球而假摔，一字之差，含义大不同噶。 脚趾尾拉西 gêg3 ji2 méi5-1 lai1 sei1 众多足球招术中，“脚趾尾拉西”因为好读易记，动作观赏性十足，经常被影视剧引用，所以也最为人所熟悉。呢个词通常形容球员用脚外侧或者脚趾尾位置，踢出带旋转嘅弧线球。对于其中嘅“西”，有说法指其源自英文“side”，表示方向；也有人认为，正确写法应为“筛”，表示旋转之意，不过现时多数人已经习惯咗前者嘅用法。 湿水榄核 seb1 sêu2 lam5-2 wed6 “湿水榄核,两头滑”原本係一句粤语歇后语，意思系橄榄核两头细、中间大，湿咗水后就不容易抓稳，会跣嚟跣去，用于比喻人滑头或者善于投机。后来，粤语讲波佬借用“湿水榄核”嚟讲波，多数用来形容身手敏捷、灵活机动嘅球员，盘球过人时控球能力强，能左冲右突地在对方队员中穿梭，相当生动形象噶。 揼波钟 dem1 bo1 zung1 “揼波钟”係一个好经典嘅粤语足球解说术语，用于表示领先嘅一方通过只控球不进攻，或者假装受伤倒地等战术，达到拖延比赛时间嘅目的。“揼波钟”依家也经常被用嚟指代各种刻意拖延时间的情况，表示明明可以很快完成的事，却偏偏要慢慢做。当然，仲可以讲成“揼时间”。 “咪急啦，控多阵先。” 卖老抽 mai6 lou5 ceo1 如果你听到粤语讲波佬话某个球员“卖老抽”，唔好咁天真以为球员副业係卖豉油啵，其实呢个“卖老抽”係指球员抽筋。每场足球比赛係长达90分钟嘅拉锯战，如果算上加时点球等环节时间就更禁计，真係好考验人嘅体力噶，所以球员出现抽筋状况也係在所难免。不过，亦有球员想拖延比赛、耗光剩下的比赛时间而故意“卖老抽”，令对手郁闷、裁判无奈，赖皮係赖皮啲，但都不失为一个战术。 晒靴 sai3 hê1 球员铲球时，只要脚贴地又冇铲到人，一般就系唔犯规嘅，但如果故意将脚抬高离地，等于将球靴亮出嚟，好似晒球靴咁，就属于犯规。呢种行为在粤语里就被称为晒靴或晒靴底。喺粤语中，“晒”含有让物体见到光、露出来嘅意思，而球鞋又经常被叫作球靴。值得一提嘅係，“晒靴底”最早其实係源自传统戏剧，係用于反映人物性格嘅一个重要台步。 “知你型啦”
“插枝花睇下靓唔靓先…”
“略略略~捉我唔到”
“快啲射门！”
“晒下只球靴先！”
-
即时新闻
世界杯番外 粤语足球趴
来源：可乐生活
2022年12月18日
版次：16
作者：陈祉伶
