港风景② 随风而行，坐看山海

　

　　嚟到香港，除咗逛街，时间宽裕一啲嘅话，应该去行下山。香港嘅行山径规划得相当科学，行得舒服之余，沿路可以睇到山与海嘅靓景，仲会根据时长、难度嚟分级。今期可乐君嘅Friend介绍咗两条行山径，一条带大家感受香港渔村嘅人文风情，另外一条则带大家睇到水天一色嘅水库和大海。

　　

　　罗美泳/文 Joey、罗美泳/图

 

　　

　　去海边 睇“香港之心”

　　

　　麦理浩径係全球二十条最佳行山径之一，亦係香港最早启用的一条长途远足径，它全长100公里，共十段，西始西贡北潭涌，东至屯门。我哋时间有限，今次先去行麦理浩径一段，这段路上可以睇到香港储水量最大的水库同通往太平洋的海域。

　　麦理浩径一段坡度比较平坦，路面开阔，一路上有树遮荫唔会好晒，有时仲可以睇见牛。沿着主道向前行，香港储水量最大的万宜水库，同蓝天互相辉映，开阔的美景令人心旷神怡。行到水库东坝的呢段路，要留多啲时间打卡啦！呢度係香港联合国教科文组织世界地质公园重要景点之一，保留着大规模火山岩柱景观，沿路可见六角形岩柱、S形岩柱、海蚀洞等特殊地貌，著名嘅“香港之心”峡谷、破边洲亦在路上。堤岸的对面，係一望无际的太平洋。从东坝再行一段山路，就会到达麦理浩径一段的最后一站：水清沙幼的浪茄湾。

 

 

 

 

 

　　服务信息

　　路线：北潭涌→万宜水库西坝→万宜水库东坝→浪茄

　　交通：周末或公众假期时，港铁彩虹站或钻石山站落车，转96R巴士到达北潭涌站，再开始徒步。或可于北潭涌乘坐9A绿色小巴到万宜水库东坝。工作日冇巴士直达，可以打的。东坝到浪茄路段，只可步行（约35分钟山径）。

　　注意：麦理浩径一段洗手间比较少，建议使用北潭涌或东坝嘅公共卫生间。另外，行山过程中无补给点，需要自带水和食物。

　　

　　去渔村 叹现代繁华

　　

　　南丫岛係香港第四大离岛，呢度的居民大多以捕鱼为生。由于历史原因，曾经有大量外籍人士移居于此，所以喺岛上，传统渔村同多元社区和谐共处。

　　村民会喺路边或者自家小院，出售自制嘅手工艺品，好似迷你嘅跳蚤市场。喺上山路径的村口，有一间“建兴亚婆豆腐花”特别多人帮衬，原来呢度係港剧《雷霆扫毒》的取景地，而且夏日炎炎，大家都唔会抗拒冰冻豆腐花或豆浆，补充下体力又消暑解渴。据闻在南部嘅索罟湾，渔民晒制的海鲜干货随处可见，渔民供奉的天后庙已经有两百年历史，附近仲有南丫岛渔民文化村，可以了解到香港渔业历史，全部都係大家中意嘅打卡圣地。而南丫岛北部有一条榕树湾大街，酒吧、咖啡店和西式甜品店都汇聚喺呢度，如果唔係睇到矮小的小洋楼和朴素的石头小道，你会以为呢度係中环嘅一角。

　　

 

 

 

 

 

　　

　　服务信息

　　路线：榕树湾大街→榕树湾村→建兴亚婆豆腐花→索罟湾

　　交通: 港铁中环站A口出站，通过人行天桥，步行至中环四号码头，搭渡轮即可到南丫岛。