三十而惑,係时候继续出发

　　

　　8月开跑至今，“三十而惑”郭嘉峰栋笃笑，已经走过江门、深圳、东莞、惠州，所到之处充满欢声笑语。嘉峰将时下至hit嘅热点趣闻、当地嘅个性特色，融入到talk show中，既让现场观众捧腹大笑，又引发大家对人生嘅思考。接下来，“三十而惑”将会喺佛山收官， happy ending期待你的参与。

　　郭玮/文   受访者提供/图

　　

 

　　站站有惊喜

　　嘉峰嘅每站talk show都有一辑专属嘅演出vlog，让到场观众和粉丝朋友都来回顾下现场嘅欢乐。喺啱啱结束嘅惠州站，嘉峰遇到带旧照嚟合影嘅“老粉”，讲起“嗒金嗓子”嘅趣事；到咗东莞站，佢好用心练习咗东莞话嘅问候，每站都有嘅“落高铁”开场，只有东莞站收获最特别出场方式；为咗突显深圳的地方特色，嘉峰夹住“煲冬瓜”嘅演出，令场show更有观众缘；江门作为巡演重启嘅首站，最后就食翻份陈皮蒜香骨嚟庆祝……每一站嘅演出，嘉峰都会规划好所有嘢，甚至係出场嘅位置，灯光嘅亮度等等，力求让每一场的观众，都拥有一份美好嘅观演体验。嘉峰一登台，一句“相信”就将全场气氛炒热，将所有人嘅情绪带到熟悉嘅氛围感中。

 

 

　　集集都用心

　　嚟支持嘉峰嘅观众，好多都係因为《粤知一二》而认识佢嘅，屏幕里面熟悉嘅声音，嚟到现场同自己近距离互动，现场弥漫温馨气氛 ，因为嘉峰讲嘅话题相对贴地，好容易就引发大家嘅共鸣，现场嘅笑声唔单止係对嘉峰嘅支持，更多係观众发至内心嘅认同，对佢talk show话题中，源自生活、贴近社会嘅元素好有共鸣。《粤知一二》从创立以来，就用节目特有嘅方式，向大家传播粤式文化。最近佢哋玩转“南北差异”“网红泡面”“广东曱甴”等鬼马话题，网友评论有褒有贬，不过嘉峰话只要做好自己，问心无愧就够。

 

 

 

 

　　

　　笑笑有办法

　　“三十而惑”即将举行收官场，郭嘉峰会为呢次“对三十岁的思考”巡演做一个完美总结。喺佢眼中，三十岁唔一定要“而立”，可能仲有好多疑惑。人点解唔停一停，睇下自己周围嘅人事物；係时候想一想，曾经经历过嘅种种，是否值得回味；最后笑一笑，再开启新嘅征程……嘉峰话“三十而惑”想表达嘅，唔係一个解决问题嘅绝对方法，而係一个大家交流互动嘅过程，有问题就应该讲出来，大家可以付之一笑，然后继续努力，大家得到治愈，就係一个happy ending啦。