城中叹"氧吧"

　　

　　最近《花儿与少年6》《现在就出发2》等旅游综艺热播，唔少朋友仔都睇到心喐喐，想嚟一场说走就走的旅程。最近，可乐君喺广州发现咗两间如世外桃源般嘅小店，唔使出远门，我哋就可以舒舒服服叹“氧吧”啦！

　　饶禧/文 黄译萱/图 饶禧/模特　　

 

　　河边的天然氧吧

　　

　　江边放空

　　

　　喺海珠湖临河边上，有一间静谧嘅茶咖店。呢间新开嘅天然氧吧“沐村”以黄色秋叶为主题，茅草屋顶同门前嘅绿野树丛相搭，好似隐世嘅“世外桃源”，好啱倾计hea下放松心情。入秋时节，沿江而坐，阵阵微风吹来，夹杂着店内嘅香浓茶咖味。主理人闻闻话阳光好时，自己都会舒服到瞓着，到了傍晚，太阳洒下湖面，眼前一片波光粼粼，运气好仲会遇上“白鹭点水”。水边绿荫加上特制嘅竹制桌椅，每一个设计同环境相搭，心情都会变得更加舒适，摆翻两个靓pose轻松出片。

　　

 

 

 

 

　　

　　“陶”冶身心

　　中意做陶艺嘅主理人闻闻将陶艺带到嚟“沐村”，陶艺需要静心，喺呢间足够静嘅“氧吧”中做陶艺，成个人都会变得十分专注。最为特别的是做陶艺并冇规定体验时间，大家可以尽情发挥创意小宇宙，捏出属于自己的作品。如果你係“陶艺初哥”，闻闻会在旁边一步步教学。喺餐品方面，店铺出品简简单单，与自然契合。“柚子蜂蜜气泡水”，一啖入口透心爽；“沐村南非红茶拿铁”，不含咖啡因，红茶味更加浓郁；配上新鲜出炉嘅乳酪杏仁吐司、黄油牛角包等小西点，香味浓郁，搭配靓景入口更滋味。

 

 

 

 

 　　沐村南非红茶拿铁

　　沐村咖啡&茶社

　　地址：广州市海珠区南洲路44号一楼

　　营业时间：周一至周日12:30-18:30

　

　　街巷深处绿植屋

　　

 

　　绿植“肆意生长”

　　人来人往嘅客村背后，恬静嘅“山下植屋”被绿意同阳光环绕，错落有致嘅绿植、逼真嘅编织“蘑菇”散落在店里的角落，令人仿佛走进了森林。身为景观设计师嘅老板，喺布置店内时主打“随心”，佢希望可以放低一板一眼嘅设计，让植物“随心”生长，做自己的设计师。大家嚟到呢个“森林”，快乐吸氧之余，仲可以逛逛旁边嘅杂货首饰区：有各种陶艺、古着首饰、特调香水等等。店内几只猫猫贯彻店铺“随心”宗旨，经常好佗佻咁趴喺凳上，睇心情营业。有书、有猫、有养眼嘅绿植，大家可以喺呢度静静享受一下独处时光。

　　　

 

 

 

　　　养生茶“放松酒”

　　

　　店铺推崇绿色健康饮食，设计餐品时尽量保持原材料嘅原汁原味。名为“海浪”嘅蓝色饮品，用原生椰子水的甜味，提前浸好嘅蝶豆花，加上无色素手打奶泡，令饮品好睇又健康。养生茶係店内嘅招牌，薏仁茶、桑葚茶、舒肝茶等等，总有一款啱你饮。店内仲会搭配一两款蛋糕，每日新鲜运到嘅巴斯克蛋糕，食落绵密，浓浓嘅芝士味甜而不腻。呢度白天叹茶，晚上会摇身一边，化身让人松弛嘅小酒吧，每周五、六晚，店家会请驻唱歌手过来唱歌，大家兴致来了都可以上去唱翻两首噶。　　

 

 

 

 

 

 　　巴斯克蛋糕（来自glyco-）

　　山下植屋Dawn of mountain

　　地址：广州市海珠区新港中路354号

　　营业时间：周一至周五11:00-次日1:30

　　周六至周日11:00-次日2:00